Chekish sizni koronavirusdan himoya qilmaydi! Aksincha!

• Yuqtirish xavfining ortishi

Chekuvchilarning barmoqlari ogʻiz boʻshligʻiga tez-tez tegadi, bu esa sigaret chekmaydiganlarga qaraganda virusning qoʻldan ogʻizga yuqish ehtimolini oshiradi.

Alohida yuqtirish xavfi – kalyan kabi ijtimoiy tarkibga ega boʻlgan tamaki, shuningdek, elektron tamaki mahsulotlari ham bir nechta odam tomonidan ishlatilsa.

• Kasallikning yanada ogʻir klinik koʻrinishi

Sigaret chekuvchilarning koʻpchiligida oʻpka sigʻimi kamayadi, bu esa kislorodga boʻlgan ehtiyojning oshishi yoki organizmda uni yetarli darajada ishlatish qobiliyatining pasayishi bilan bogʻliq muammo boʻlib, bu holat infeksiyalar paytida yuz beradi. Chekuvchilar COVID-19 ning yanada ogʻir klinik koʻrinishining rivojlanish xavfi yuqori boʻlgan guruh ekani haqidagi ilmiy dalillar tobora koʻpayib bormoqda.

• Passiv chekish haqida nima deyish mumkin?

Endi bolalar odatdagidan koʻproq vaqtni uyda oʻtkazadilar. Tamaki tutunining yuqori taʼsiri ostida oʻsadigan bolalarda, odatda himoya kuchlari zaiflashadi, bu esa ularda pastki nafas yoʻllarining infeksiyalari, oʻrta otit va astma xavfini oshiradi. Bu bolalarda virusli pnevmoniyaning yanada ogʻir klinik koʻrinishi, masalan, Covid-19 virusi keltirib chiqaradigan ogʻir pnevmoniya rivojlanadi.

Salomatlik uchun alohida xavf – “qoldiq” tamaki tutuni atrofdagi yuzalarda va jismlarda mayda zarrachalar koʻrinishida qoladi va uzoq vaqt zararli taʼsir koʻrsatishda davom etadi.

• Zararli odatni kuchaytirmang! Pandemiya ijobiy oʻzgarishlarga sabab boʻlsin!

Uyda koʻp vaqt boʻlish, mashgʻulotlar bilan kam shugʻullanish, zerikish, uydan turib masofadan ishlash, stress va xavotirning kuchayishi sigaretni tez-tez chekish xavfini oshiradi, chekishni tashlaganlarda esa hatto chekish xohishini qayta uygʻotish ehtimoli bor.

Boshqa tomondan – hozirgi vaziyat muhim hayotiy qaror qabul qilish uchun qulay imkoniyat boʻlishi mumkin.

Shunday qilib, koronavirus infeksiyasini yuqtirish xavfining oshishi haqidagi xabar sizni chekishni tashlashga undasin. Oʻzingizning sogʻligʻingiz, oilangizning salomatligi va eng muhimi, farzandlaringiz manfaati uchun bundan-da yaxshi qaror qabul qila olmaysiz!