Issiq urishida nima qilish kerak?
Agar siz bolada issiq urishi borligiga shubha qilsangiz, tez tibbiy yordamni (103) chaqiring yoki shifoxonaga olib boring!
Body
Tez yordam xizmatini kutayotganda siz quyidagilarni bajarishingiz lozim:
- Darhol bolani soyaga yoki konditsionerli xonaga olib kiring.
- Boladagi ortiqcha kiyimni yechib oling.
- Bolani sovitib oling. Yuzini yuving va koʻp marta sovuq suv seping.
- Iloji boʻlganda, farzandingizni iliq suv bilan yuvintirish yoki choʻmiltirish tavsiya etiladi!
- Agar yuvintirish yoki choʻmiltirishning imkoni boʻlmasa yoki suv yoʻq boʻlsa, havo oqimi bilan taʼminlang (masalan, ventilyatorni yoqing).
Agar bola hushida boʻlsa, unga sovuq boʻlmagan ichimliklar bering
- Tez tibbiy yordam xizmatiga murojaat qiling (103 raqamiga qoʻngʻiroq qiling).
Issiq urishidan tuzalgandan soʻng, bola keyingi haftalarda yuqori haroratga sezgir boʻladi. Shifokor ruxsat bermaguncha yuqori harorat va jismoniy faollikdan saqlanish yaxshidir.
