Yosh bolalar uchun moʻljallanmagan oʻyinchoqlar
Oʻyinchoqlarning ayrim turlari yosh bolalar uchun moʻljallanmagan, chunki ular bolaning salomatligiga xavf soluvchi mayda qismlardan yoki materiallardan tayyorlangan va bola hayotining dastlabki yillarida ulardan foydalanmaslik kerak.
Body
- Uzun tasmalar va ipli oʻyinchoqlar bolaning boʻyniga oʻralib qolishi mumkin.
- Juda baland tovushli oʻyinchoqlar bolangizning eshitish qobiliyatiga zarar yetkazishi mumkin. Agar siz tovush chiqaradigan oʻyinchoqlarni sotib olsangiz, ularda ovoz balandligini boshqarish moslamasi borligiga ishonch hosil qiling va uni eng past darajasiga qoʻying.
- Bolalar shishirilmagan pufaklarni osongina yutib yuborishi yoki yorilgan pufakning parchalari nafas yoʻllariga tiqilib qolishi mumkin.
- Agar oʻyinchoqlar batareyalar bilan quvvatlansa, batareyalar bolalar qoʻli yetmaydigan joyda saqlanishi va faqat kattalar tomonidan ishlatilishi kerak. Har xil turdagi batareyalarni notoʻgʻri oʻrnatish yoki ishlatish ularning haddan tashqari qizishi yoki oqishi, kuyish yoki zaharlanish xavfini keltirib chiqarishi mumkin. Xuddi shu sababga koʻra, bola batareya bilan ishlaydigan oʻyinchoq bilan uxlamasligi kerak.
- Agar bola batareyani yutib yuborsa yoki yutgan deb oʻylasangiz, darhol tibbiy yordamga (103 raqamiga qoʻngʻiroq qiling) murojaat qiling.
- Magnitli oʻyinchoqlar yutib yuborilsa, sogʻliq uchun jiddiy muammolariga olib kelishi mumkin, bir nechta magnitni yutib yuborish halokatli boʻlishi mumkin, chunki ular bir-birlarini tortish orqali ichak devorlariga tiqilib qolishi yoki shikastlashi mumkin.
Agar bola magnitli oʻyinchoq qismlaridan bir yoki bir nechtasini yutib yuborgan boʻlsa yoki yutgan deb oʻylasangiz, darhol tibbiy yordamga murojaat qiling (103 raqamiga qoʻngʻiroq qiling).
