Lidhja dhe afërsia: foshnjat e sapolindura

Rreth lidhjes me të porsalindurit

Lidhja dhe afrimi ka të bëjë me përgjigjen e vazhdueshme ndaj nevojave të të porsalindurit tuaj me dashuri, ngrohtësi dhe kujdes. Kur e bëni këtë, bëheni një person i veçantë, i besuar në jetën e foshnjës tuaj.

Lidhja mes jush dhe të porsalindurit tuaj është pjesë vitale e zhvillimit.

Për shembull, kur i porsalinduri juaj e merr atë që i nevojitet nga ju, si buzëqeshja, prekja ose përqafimi, ai ndjen se bota është një vend i sigurt për të luajtur, mësuar dhe eksploruar. Kjo ia jep atij bazën për mirëqenien emocionale dhe aftësinë për t’u përballë me pengesat më vonë në jetë. Lidhja dhe përafrimi gjithashtu e ndihmojnë fëmijën tuaj për zhvillim mendor dhe fizik. Për shembull, kontakti i përsëritur njerëzor si prekja, përqafimi, të folurit, këndimi dhe shikimi në sytë e njëri-tjetrit bëjnë që truri i të porsalindurit tuaj të lëshojë hormone. Këto hormone ndihmojnë trurin e foshnjës tuaj të rritet. Derisa truri i tij rritet, ai fillon ta zhvillojë kujtesën, mendimin dhe gjuhën.

Kuptimi i lidhjes me foshnjën tuaj të porsalindur dhe sjelljes së tij

Foshnja juaj e porsalindur e përdor gjuhën e trupit, për t’u treguar kur ka nevojë për diçka - për shembull, ushqim ose ndërrrim të pelenës. Ajo gjithashtu do ta përdorë gjuhën e trupit për t’ju treguar kur dëshiron të lidhet me ju dhe ta forcojë atë lidhje. Ajo mundet të:

• buzëqesh me ju ose bën kontakt me sy - foshnjave iu pëlqen të shikojnë në sytë tuaj
• bën pak zhurmë, si gugatje apo të qeshura
• duket e qetë dhe e interesuar
• qan.

Kur fëmija juaj ka nevojë për një pushim ose ndoshta një qasje tjetër më të butë, ai mund të:

• shikon anash, i mbyll sytë ose e hap gojën në shenjë gjumi
• përpiqet ose tërhiqet
• duket e tensionuar dhe e parehatshme
• qan.

Kur të mësoni t’i “lexoni” mesazhet e foshnjës tuaj dhe të përgjigjeni në mënyrën e duhur, kjo e inkurajon atë të komunikojë më shumë. Kjo është e mirë për lidhjen tuaj dhe e ndihmon fëmijën tuaj të mësojë rreth komunikimit, sjelljes dhe emocioneve.

Kur i vëreni shenjat dhe gjuhën e trupit të foshnjës tuaj dhe gjithmonë përgjigjeni në mënyra të ngrohta dhe të dashura, ajo do të ndihet më i sigurt. Kjo ju ndihmon të krijoni një marrëdhënie të fortë me fëmijën tuaj.

Si të lidheni me të porsalindurin tuaj

Lidhja me të porsalindurin tuaj përmes dashurisë së ngrohtë dhe të butë e bën atë të ndihet i sigurt. Këtu janë disa ide:

• Rregullisht prekni dhe përqafoni të porsalindurin tuaj. Provoni ta tundni atë ose ta mbani përballë jush, lëkurë me lëkurë, ose goditeni me butësi kur ia ndërroni pelenën ose e lani.
• Përgjigjuni të qarit. Ju nuk mund të jeni gjithmonë në gjendje të tregoni pse i porsalinduri juaj po qan. Por duke iu përgjigjur, ju e ndihmoni atë të ndihet i sigurt.
• Bëni të porsalindurin tuaj të ndihet i sigurt fizikisht. Siguroni mbështetje të mirë për kokën dhe qafën kur e mbani fëmijën tuaj. Mbështjellja e foshnjës tuaj e rikrijon ndjenjën e sigurt të të qenit në mitër.

Ju mund të lidheni me të porsalindurin tuaj duke i dhënë atij gjëra për të parë, dëgjuar dhe ndjerë. Kjo e stimulon trurin e tij dhe e bën atë të rritet mirëfilli. Provoni këto ide:

• Flisni me të sapolindurin tuaj sa më shpesh që mundeni me tone qetësuese dhe relaksuese. Ju mund të flisni për atë që po bëni, ose të tregoni histori. Kjo e ndihmon fëmijën tuaj të mësojë ta njohë tingullin e zërit tuaj. Gjithashtu do ta ndihmojë atë të mësojë gjuhën kur të rritet më e madhe.
• Këndo këngë. I porsalinduri juaj ndoshta do t’i pëlqejë variacionet e tingujve të këngëve, muzikës dhe ritmit. Muzika qetësuese mund ta ndihmojë atë - dhe ju të ndiheni më të qetë. I porsalinduri juaj nuk do të shqetësohet nëse i keni harruar fjalët ose melodinë.
• Shikoni të porsalindurin tuaj në sy derisa flisni dhe këndoni dhe bëni shprehje të fytyrës. Kjo do ta ndihmojë atë ta mësojë lidhjen midis fjalëve dhe ndjenjave.
• Stimuloni ndjenjën e prekjes së të porsalindurit tuaj. Që nga lindja, i porsalinduri juaj mund ta ndiejë edhe prekjen më të butë. Provoni t’ia ledhatoni butësisht këmbët me pëlhurë të butë përderisa ia ndërroni pelenën. Po ashtu flisni për të - për shembull, “A të duket e butë?”

Kur lidhja dhe përafrimi nuk janë të lehtë

Ju mund të jeni lidhur me fëmijën tuaj herën e parë që e keni parë. Por është në rregull dhe normale nëse nuk ndjeni një lidhje të menjëhershme. Lidhja dhe përafrimi ndonjëherë mund të zgjasë me javë ose muaj për ta njohur dhe kuptuar fëmijën tuaj.

Këtu janë dhënë disa sugjerime për ta ndihmuar lidhjen tuaj të zhvillohet :

• Ndani kohë për ta shijuar të qenit me fëmijën tuaj. Kujdesi për një foshnje të vogël mund të jetë angazhim, por është mirë të kaloni kohë duke qenë së bashku. Për shembull, ju mund ta mbani fëmijën tuaj afër dhe t’i lexoni atij me një zë muzikal. Ai do të pëlqejë të dëgjojë zërin tuaj, edhe nëse jeni duke lexuar revistën ose gazetën tuaj të preferuar.
• Shikoni botën nga këndvështrimi i foshnjës tuaj. Imagjinoni atë që ajo shikon, ndjen ose përpiqet të bëjë. Zbuloni atë që asaj vërtet i pëlqen dhe nuk i pëlqen. Për shembull, a është ajo një foshnjë e shoqërueshme që nuk e ka problem të kalojë nga njëri te tjetri në familje? Apo preferon të shikojë se çfarë po ndodh nga pozita e sigurt në krahët tuaj?
• Jini fleksibël. Shumica e të porsalindurve nuk kanë modele të caktuara të gjumit ditën dhe natën. Kjo do të thotë se nuk është realiste të presësh që i porsalinduri juaj të ndjekë një rutinë të rreptë. Më së miri është të përgjigjeni kur fëmija juaj dëshiron të ushqehet, të flejë ose të luajë.

Ju jeni pjesa më e rëndësishme e jetës së foshnjës tuaj. Nëse jeni të shqetësuar për marrëdhënien tuaj me fëmijën tuaj, kërkoni ndihmë. Marrja e ndihmës kur fëmija juaj është i vogël mund të bëjë një ndryshim të madh për të dy ju. Nëse keni nevojë për të, gjeni mbështetje - nëse jeni mirë fizikisht dhe mendërisht, do ta keni më lehtë ta ofroni dashurinë dhe ngushëllimin që i nevojitet fëmijës suaj.

Lidhja me më shumë se një kujdestar

Foshnja juaj formon lidhjet kryesore me njerëzit që kujdesen më shumë për të, si ju dhe partneri juaj, nëse keni një të tillë. Ai gjithashtu mund të krijojë lidhje me njerëzit e tjerë që kujdesen rregullisht dhe me dashuri për të dhe e bëjnë atë të ndihet i sigurt. Këta njerëz mund të jenë gjyshërit e foshnjës suaj, kujdestarët me pagesë dhe fëmijët më të mëdhenj.

Lidhja me më shumë se një person e ndihmon fëmijën tuaj të mësojë rreth besimit dhe afërsisë me njerëzit. Gjithashtu mund të jetë më të lehtë për ju dhe partnerin tuaj të bëni gjëra të tjera, si punë me pagesë, blerje të ushqimeve dhe punët e shtëpisë. Mes tjerash kjo mënyrë mund t’ju japë një pushim nga të qenit kujdestar.

Në shumë kultura, shumë anëtarë të familjes dhe komunitetit janë të përfshirë në rritjen e fëmijëve, me çka foshnjat krijojnë lidhje me shumë njerëz.