Si të qetësoni fëmijën që qan?

Për të qetësuar një foshnjë që qan, kontrolloni nëse ai/ajo është i uritur, i lodhur, i parehatshëm ose i sëmurë. Mos prisni të jeni në gjendje t'i njihni nevojat e foshnjës suaj në çdo kohë, kjo është diçka që e mësoni ditë për ditë.

Këshilla për qetësimin e foshnjës:

Kontrolloni nëse foshnjës duhet t'i ndërroni pelenat, nëse ka shumë nxehtë apo shumë ftohtë.
Ushqeni me qumësht gjiri nëse mendoni se foshnja është uritur ose kanë kaluar më shumë se dy orë që nga vakti i mëparshëm (i njëjti rekomandim vlen edhe për foshnjat që ushqehen me formulë).
Ofroni ushqyerjen me gji edhe nëse foshnja nuk është e uritur, sepse ndonjëherë ka nevojë të thithë. Mund t'i ofroni edhe biberonin, por rekomandohet ti shmangini ato veçanërisht gjatë muajit të parë të jetës.
Flisni me fëmijën butësisht, këndoni ose lëshoni muzikë qetësuese. Ndonjëherë foshnja thjesht ka nevojë të sigurohet se ju jeni aty dhe zëri juaj mund ta qetësojë.
Kur qetësoni foshnjën duhet të jeni vetëm me të në dhomë, i qetë dhe i duruar. Në rast të qarave të vazhdueshme (kolika infantile), ndërrohuni me anëtarët e tjerë të familjes.
Disa burime të zhurmës (e ashtuquajtura zhurmë e bardhë) të tilla si tharësja e flokëve ose fshesa me korrent, mund ta qetësojnë foshnjën.
Lëkundni butësisht ose mbajeni foshnjën në një mbajtëse ose shall. Ndonjëherë lëvizjet dhe afërsia e prindërve mund ta qetësojnë foshnjën.
Shëtitja me karrocë mund të qetësoj foshnjën. Nuk këshillohet që foshnja të flejë në karrocë pa mbikëqyrje.
Masazhi mund të qetësojë fëmijën dhe t'ju relaksojë. Masazhi forcon edhe lidhjen me foshnjën.