Shëtitjet me fëmijën në verë!

Foshnjat mund të bëjnë shëtitje nga dita e 15-të e jetës, me kushtin që të ndiqen disa rekomandime. Foshnja nuk duhet të nxirret nga shtëpia nëse temperatura është më e lartë se 35°C. Kalimi i kohës jashtë përmirëson gjendjen e përgjithshme të foshnjës, gjendjen shpirtërore, gjumin, oreksin dhe rezistencën ndaj infeksioneve.

Moti i ngrohtë është i përsosur për të shkuar për një shëtitje me një foshnjë, vetëm nëse ju e përgatitni atë në mënyrë të përshtatshme për të dalë në diell. Këshillohet që gjatë muajve të verës, foshnja të nxirret jashtë në orët e para të mëngjesit, para orës 11 të paradites ose pasdite vonë pas orës 5 pasdite.

Rrobat që i vishni foshnjës duhet të jenë prej pëlhurash pambuku të endura trashë, të përshtatshme për mbrojtje kundër diellit, me sa më shumë ngjyra të ndezura që të jetë e mundur.
Një kapele mbrojtëse me material prej pëlhure duhet vënë në kokën e fëmijës.
Drita e butë e diellit kontribuon në sintezën e vitaminës D3, e cila është e rëndësishme për kockat, dhëmbët dhe forcimin e imunitetit.
Kremrat kundër diellit nuk aplikohen në lëkurën e foshnjave deri në moshën 6 muajshe. Nëse foshnja është më e madhe se 6 muaj, aplikoni një krem me SPF të lartë në pjesët e trupit që nuk mbulohen nga rrobat. Aplikoni kremin e diellit 20 minuta para se të dilni për një shëtitje.
Mos e mbuloni karrocën me një material pëlhure për ta mbrojtur fëmijën nga dielli. Mund të përdorni një çadër për karrocën e fëmijës.
Nevoja për ujë rritet në temperatura të larta, kështu që është e nevojshme që foshnja juaj të ushqehet më shpesh me gji ose, nëse foshnja nuk ushqehet në mënyrë natyrale t'i ofroni sa më shpesh ujë.
Vera është koha kur ka më shumë mushkonja, prandaj është e nevojshme të mbrohet foshnja para se të dalë (me një rrjetë mbrojtëse, pajisje portative për largimin e mushkonjave ose me disa repelentë natyral).