Vakte të shpejta të shëndetshme për fëmijët: në foto

Ide të shpejta për mëngjes të shëndetshëm

Qull me banane: gatimi i tërshërës me qumësht dhe banane i jep këtij qulli një ëmbëlsi natyrore. Ju gjithashtu mund ta spërkatni përsipër me rrush të thatë dhe kanellë.

Veza rrufkë: shërbeni vezë rrufkë me shkopinj buke integrale të thekur ose shkopinj perimesh, të cilat janë më të shijshme kur zhyten në të verdhën e vezës gjysëm të zjerë

Smoothie dhe bukë të thekur: përgatisni një smoothie mëngjesi me qumësht me yndyrë të reduktuar, kos dhe banane, manaferra të ngrira ose pjeshkë të konservuar. Shtoni tërshërë, arra, fara liri nëse dëshironi. Shërbejeni me bukë të thekur.

Ide dreke për ushqim të shpejtë të shëndetshëm

Sanduiçët bëhen më të mirë me bukë integrale ose me fibra të shtuara. Përpiquni të përfshini disa ushqime të pasura me proteina si mishi, pula apo vezët dhe perimet.

Mbështill e rrotullo: mbushni pitet apo piadinat me djathë të grirë, karrotë, kastravec, domate, gjethe jeshile apo perime të tjera. Lyejeni piten paraprakisht me humus ose avokado që ta ndihmosh të ngjitet më mirë.

Pica e bërë në shtëpi: Ju kanë tepruar përbërës nga pica që bëtë mbrëmë? Këta përbërës të shëndetshëm janë një vakt i mirë për drekë, bëjeni vetë një picë të vogël.

Vakte të shpejta të shëndetshme për darkë

Shiritat e pulës: këta shirita pule krokante janë të shkëlqyera kur shërbehen me bizele, brokoli dhe misër.

Tost me fasule: shërbejini fasulet e pjekura mbi bukën e thekur me ca grimca djathi nëse dëshironi. Për t'u argëtuar, vendosni perime të thjeshta në formë gardhi rreth bukës së thekur.

Pjatë me mish qengji: përzjehen erëza të freskëta si thym, borzilok dhe rigon me kos natyral. Lyejini copat e mishit me salcën e përgatitur dhe piqini në zgarë. Shërbejini me pure patatesh dhe sallatë të thjeshtë me perime.