Сонечны ўдар і як яго прадухіліць

Сонечны ўдар — гэта рэзкая рэакцыя ўсяго арганізма на занадта працяглае знаходжанне на сонцы.

Сонечны ўдар можа здарыцца раптоўна, асабліва калі дзіця было актыўным на сонцы, але ў дзяцей часцей адбываецца запознены сонечны ўдар; ён можа здарыцца праз некалькі гадзін пасля знаходжання на сонцы — вечарам перад сном або падчас сну.

Сімптомы сонечнага ўдару

Сімптомы сонечнага ўдару могуць быць раннімі ці запозненымі. Сімптомы ранняга сонечнага ўдару наступныя:

  • раптоўная слабасць дзіцяці;
  • галавакружэнне;
  • галаўны боль;
  • млоснасць;
  • рвота;
  • санлівасць;
  • высокая тэмпература;
  • павышанае потавыдзяленне;
  • дрыжыкі.

Чым меншае дзіця, тым мацней выяўлены гэтыя сімптомы і тым вышэйшая верагоднасць ускладненняў.

У выпадку «запозненанага» сонечнага ўдару сімптомы выяўляюцца павольней, яны менш інтэнсіўныя, але працягваюцца даўжэй. Дзеці становяцца гарачымі і чырванеюць; яны выглядаюць так, як быццам захварэлі, таму бацькі часта разгублены, думаючы, што гэта нейкая інфекцыя. Малыя дзеці становяцца капрызнымі — яны плачуць без прыкметнай прычыны. У дзяцей больш старэйшага ўзросту звычайна бывае млоснасць (часам рвота), перапады настрою і бяссонніца. Як правіла, тэмпература цела павышана.

Як прадухіліць сонечны ўдар

  • Сачыце за ўзроўнем УФ-выпраменьвання ў прагнозе надвор’я (па тэлевізары або ў дадатку на вашым смартфоне) і прытрымлівайцеся рэкамендацый, калі яны прадстаўлены.
  • Малыя дзеці могуць знаходзіцца на сонцы толькі да 10:00 і бліжэй да вечара пасля 17:00, пры гэтым абавязкова трэба наносіць водаўстойлівыя сонцаахоўныя крэмы з высокім каэфіцыентам абароны ад сонца (SPF 30 ці 50) у залежнасці ад узросту.
  • Калі сонца свеціць ярчэй за ўсё, знаходзьцеся з дзіцем у цені або ў памяшканнях з добрай вентыляцыяй.
  • Апранайце дзіця ў светлае адзенне з натуральных матэрыялаў.
  • Апранайце яму на галаву панамку, а таксама сонцаахоўныя акуляры з абаронай ад УФ-выпраменьвання.
  • На працягу дня давайце дзіцяці шмат вадкасці (лепш простай прахалоднай вады).
  • Карміце яго часцей, даючы пры гэтым лёгкую і менш сытную ежу.
  • Калі вы апынуліся на вуліцы ў самы спякотны час дня, паклапаціцеся пра тое, каб дзіця выяўляла меншую фізічную актыўнасць, менш бегала і скакала, каб пазбегнуць перагрэву.
  • Час ад часу астуджайце дзіця вадой — умывайце яму твар, змочвайце галаву, ногі і рукі.