Сонечныя апёкі

На неабароненай скуры пад уздзеяннем прамога сонечнага святла апёк можа ўзнікнуць на працягу 15 хвілін. Дзіцячая скура больш тонкая, а яе ахоўны механізм слабейшы, чым у дарослых, таму дзеці згараюць нашмат хутчэй. Абгарэлая скура чырванее, прычыняе боль і апухае, могуць утварацца пухіры.

Калі на месцы апёку няма пухіроў:

• Астудзіце гэтае месца нямоцным струменем халоднай вады або накладвайце на яго халодны кампрэс, а калі пашкоджаны вялікі ўчастак, апаласніце дзіця ў душы халоднай вадой (не ледзяной).
• Для лячэння апёкаў можна нанесці прэпарат на аснове алоэ або які-небудзь іншы, але толькі пасля папярэдняй кансультацыі з урачом або фармацэўтам.
• Калі ваша дзіця адчувае моцны боль, вы можаце даць яму абязбольваючае (парацэтамол, ібупрафен) у адпаведнасці з рэкамендацыямі вашага педыятра.

Калі з’яўляюцца пухіры:

• не праколвайце іх;
• давайце дзіцяці піць вялікую колькасць вадкасці;
• на працягу наступных дзён не падвяргайце дзіця ўздзеянню сонечных прамянёў датуль, пакуль цалкам не сыдзе пачырваненне.

У выпадку моцнага сонечнага апёку або калі дзіцяці менш за адзін год, неадкладна звярніцеся да педыятра!