Вакцына ад пнеўмакокавай інфекцыі

Аб вакцыне

• Прэпарат утрымлівае поліцукрыды, бялковыя носьбіты і фасфат алюмінію ў якасці ад’юванта (узмацняльнік імуннага адказу). Вакцына не ўтрымлівае жывых інфекцыйных матэрыялаў.
• Згодна з дзеючым Нацыянальным календаром прышчэпак, ваша дзіця атрымае дзве дозы гэтай вакцыны на працягу першых 6 месяцаў жыцця (у 2 і 4 месяцы) і яшчэ адну дозу ў 12 месяцаў або па дасягненні ім узросту 5 гадоў у выпадку наяўнасці аднаго з наступных захворванняў ці станаў:
• імунадэфіцытныя станы (ВІЧ-інфекцыя, хранічная нырачная недастатковасць, нефратычны сіндром, хранічны гепатыт, цыроз печані, захворванні, звязаныя з назначэннем імунасупрэсіўнай ці прамянёвай тэрапіі, злаякасныя новаўтварэнні, лейкозы, лімфомы, хвароба Ходжкіна, прыроджаны імунадэфіцыт, функцыянальная ці анатамічная аспленія (серпападобна-клетачная анемія, іншыя гемаглабінапатыі, прыроджаная ці набытая аспленія), а таксама пасля трансплантацыі донарскага органа);
• востры гнойны сярэдні атыт з рэцыдывам (больш за 3 эпізоды на працягу года);
• пнеўманіі з рэцыдывам;
• бронхалёгачная дысплазія, прыроджаныя парокі дыхальных шляхоў і інш.;
• парокі сэрца, якія патрабуюць гемадынамічнай карэкцыі і з абагачэннем малога круга кровазвароту;
• наяўнасць кахлеарнага імпланта ці планаванне аперацыі для яго ўстаноўкі;
• цукровы дыябет;
• бранхіяльная астма.
• Прышчэпку робяць унутрымышачна ў пярэднебакавую паверхню сцягна дзецям першага года жыцця, у вобласць пляча (дэльтападобную мышцу) — дзецям старэйшым за 1 год.

Гэту вакцыну можна ўводзіць адначасова з іншымі (ад дыфтэрыі, слупняку, коклюшу, поліяміэліту, гепатыту В, адру, эпідэмічнага паратыту, краснухі і г. д.), але ў іншы ўчастак цела.