Бала үчүн оюндун пайдалуулугу эмнеде?

Бала үчүн оюндардын эң жакшысы — түзүмдөштүрүлбөгөн же эркин оюндар. Мында оюн күтүүсүз башталып, баланын эмнеге кызыгып калганына гана жараша болот. Бул баланын өз фантазиясын колдонуп, чөйрөнү өзү жетишкен ылдамдыкка, кызыгуусуна жана изилдөө форматына ылайыкташтыруу мүмкүндүгүн берет. Эркин оюндар – бул көбүнчө ойдон чыгарылган сценарийлер жана ролдук оюндар (атайын костюмдарды кийүү, ойдон чыгарылган нерселерди ойноо, бала өзү ойлоп тапкан окуяларды/сюжетти өнүктүрүү). Эркин оюндарга жууркандардан же кутулардан чатыр же имараттарды жасоо, кутулардан шаар куруу, чыныгы же ойдон чыгарылган аспаптарда ойноо ж.б. кирет. Чоңдор бул оюнга катышса да, катышпаса да болот.

Түзүмдөштүрүлгөн оюндар – бул таптакыр башкача. Анын алдын ала уюштурулуп, өзүнүн макулдашылган эрежелери бар, мындай оюндарды көбүнчө чоңдор (үй-бүлөдө) башкарат. Мисалдар: стол оюндары, спорттук, ролдук оюндар, пазл ж.б.

Бала чоңойгон сайын анын ойногону да өзгөрөт: оюнчуктар, оюндун түрлөрү алмашат, курдаштары жана чоңдор менен кошулуп ойной баштайт, оюн үчүн орун да көбүрөөк керек болот.

Бала оюнду кандайдыр бир изилдөө, айкалыштыруу, жөнөкөй нерселерди жаңыча колдонуу мүмкүнчүлүгү деп түшүнөрүн, аз убакыт болсо да ар ким (ашпозчу, астронавт, коён, аюу ж.б.) болуп көрүү деп билерин экенин ата-энелер эсинен чыгарбашы керек. Бул жагынан алганда, оюн макулдашылган, атайын бөлүнгөн убакытта боло турган пландуу иш эмес. Бала ойноп жашайт, дүйнөнү өздөштүрөт.