Социалдык-эмоционалдык өнүгүүнү стимулдаштыруу: 6-12 ай

Бейтааныш адамдар менен жолугушуу

Балаңыз бейтааныш адамдар менен жолукканда ар кандай кабыл алышы мүмкүн. Бул кызыгууну, кубанычты, ошондой эле коркуу сезимин же байланышуудан качууну көрсөтөт. Бул реакциялардын бардыгы табигый нерсе. Бул баланын темпераментине, мурунку тажрыйбаларына жана кырдаалга байланыштуу. Бара-бара таанышуу, токтоо болуу жана балага өзүн коопсуз сезүүгө жетиштүү убакыт берүү, бул окуяларды кызыктуу кылат.

Сизден бөлүнгөндө боло турган реакциялар

Бала сизден бөлөк болууга акырындап көнүп калат, ошондуктан бул нерсе күнүмдүк жашоонун бир бөлүгү болуш керек. Сиздин жүрүм-турумуңуз так жана ырааттуу болушу зарыл. Балаңыз менен коштошпой кетип калбаңыз. Качан кетээриңизди жана качан келериңизди балаңызга билдирип коюңуз. Бара-бара балага мындай жагдайларды кабыл алуу оңой боло баштайт. Жашынмак ойногула. Бул балага бөлүнүүдөгү тынчсыздануусун жеңүүгө жардам берет.

Колдоо издөө

Балаңыз сизди барган сайын жаңы жагдайларда карап, жетекчилик издеп, реакцияңызды чечмелеп жатат. Сезимдериңизге, сиз жасаган мимикага жана комментарийлерге таянып, бала маанилүү тыянактарды чыгарып, жүрүм-турумун жөнгө салат. Эгер сиз өзүңүзгө ишенимсиз болсоңуз же корксоңуз, анда бала дагы коркушу мүмкүн. Балага реакцияңызды так жана түшүнүктүү кылыңыз. Эмне болуп жаткандыгы жөнүндө сүйлөшүп, анын сиз менен коопсуз экендигин көрсөтүңүз. Көп өтпөй, бала өзгөрүүлөрдү көбүрөөк ишенимдүүлүк менен кабыл алып, көзкарандысыз изилдөө жүргүзө баштайт.

Сезимдер татаалдашып баратат

Балаңыздан байкаган сезимдерди таанып, сыйлаңыз. Кубаныч, ачуулануу же тынчсыздануу - бул окуяларга реакция катары пайда болгон табигый абал. Алардын аттарын атап, болуп жаткан окуялар жөнүндө сүйлөшүңүз. Сиздин сөздөрүңүз, түшүндүрмөлөрүңүз жана реакцияларыңыз балага анын сезимдерин билүүгө жана аларды жакшы жөнгө салууга жардам берет. Баланы эч качан анын сезими үчүн сындабаңыз.