Станавте татко: прилагодување на татковството

Нови татковци: како да се вклучите во негата на вашето новороденче

Можеби ќе се чувствувате преоптоварени во почетокот, но и сосема нови татковци се целосно опремени за татковство. Татковците се исто толку добри како мајките во препознавањето и одговарањето на потребите на нивните новороденчиња. Тие исто така се способни да се грижат за постарите деца.

Всушност, кога се грижите за вашето дете, го правите тоа на начини што само таткото може. Веројатно сте родител на поинаков начин од вашата партнерка, а прилагодувањето на вашите различни стилови на родителство му помага на вашето бебе да научи социјални вештини.

Еве неколку совети за вклучување со вашето бебе.

Пробајте сè
Облекување, смирување, играње, капење и менување на пелени - сите овие се одлични начини да се поврзете со вашето бебе. Родителските вештини делумно се прашање на пракса - станувате подобри и посигурни колку што повеќе ќе стекнувате практично искуство.

Продолжете да се обидувате
Спротивставете се на поривот да го предадете вашето бебе назад на мајката кога работите ќе станат напорни. Поминатотот време само со вашето бебе ќе ги изгради вашата доверба и вештини.

Поминете време сами со бебето
Ова е навистина важен дел од развојот на силна и трајна врска. Исто така е добро за вашата партнерка, која ќе ја добие многу потребната пауза.

Покажете ја вашата наклонетост
Кога ќе покажете љубов на вашето бебе и одговарате на знаците кои ги дава, во мозокот на вашето бебе се ослободува природен хормон наречен окситоцин . Овој хормон го прави вашето бебе да се чувствува добро. Исто така, гради врски помеѓу нервните клетки, стимулирајќи го развојот на мозокот.

Можете исто така да ги имитирате изразите на лицето на вашето бебе - муртење, гугање, звуци и насмевки. Сето ова помага во сврзувањето и приврзаноста помеѓу вас и вашето бебе.

Разговарајте со вашето бебе
Додека се грижите за вашето бебе, обидете се да разговарате со вашето бебе за тоа што правите. На пример, “Ајде да се облечеме сега - ова оди преку глава”. Користењето на топол глас за пеење му помага на вашето новороденче да се чувствува заштитено.

Разговорот е како храна за мозокот на бебињата i им помага да градат јазични и комуникациски вештини од моментот кога се раѓаат. Бебињата не мора да ги разберат зборовите за да имаат корист од зборувањето.

Одвојте време за игра
Играњето со вашето новороденче не се однесува само на игри и играчки - станува збор за интеракциите помеѓу вас и вашето бебе. Еве неколку идеи:

• Ставајте го вашето бебе на стомак секој ден. Тоа помага за развој на на мускулите и мозокот на вашето бебе. Ако не му се допаѓа, оставете го само кратко време.  (Запомнете дека бебето треба да спие на грб, а не на стомак)
• Играјте со зборови, песни и приказни за изградба на говорни и мемориски вештини. Започнете со некои стари омилени што сте ги слушнале како дете.  
• Обидете да играте „Ѕе“. Едноставна игра која ја гради вашата врска и исто така ги поставува темелите за јазикот, размислувањето, моторните вештини и социјалниот и емоционалниот развој на вашето бебе.

Високите нивоа на вклученост на таткото се поврзани со подобри социјални и академски вештини кај нивните деца. И никогаш не е предоцна да се вклучите!

Одржувајте ја вашата врска

Повеќето двојки забележуваат промени во врската откако ќе пристигне бебето. Во почетокот, тоа е многу возбудливо, а двојките често се чувствуваат поблиску. Но, по околу еден месец, двојките често почнуваат да се чувствуваат уморни, под стрес и преоптоварени од барањата за нега на деца и задолженијата во домаќинството.

Понекогаш откриваат дека имаат различни идеи за семејниот живот или родителството.

Зборувањето со вашиот партнер е најдобриот начин да се справите со овие промени и да се грижите за вашата врска.  Прочитајте други статии за тоа како да се справите со стресот и како да се опуштите.

До 15% од жените и 10% од мажите развиваат постнатална депресија (ПНД). Прочитајте повеќе за ПНД кај жени и ПНД кај мажи. Ако мислите дека вие или вашиот партнер доживувате ПНД, советувајте се со вашиот матичен лекар што е можно поскоро.

Разбирање на промената на сексуалниот живот

Пристигнувањето на бебето може да го промени вашиот сексуален однос со вашиот партнер. И вие и вашиот партнер можеби ќе сакате повторно да се чувствувате блиску. Но, сексот понекогаш може да биде тежок поради замор, физички промени по породувањето, промени во начинот на кој вашиот партнер се чувствува сексуално или постнатална депресија (ПНД).

Повеќето двојки ја доведуваат својата сексуална врска назад на вистинскиот пат. Еве неколку работи кои би можеле да помогнат:

• Бидете трпеливи. И двајцатата минувате низ големи промени. Важно е да го уверите вашиот партнер и да се обидете да ги разберете чувствата на вашиот партнер. Често, двојките се советуваат да почекаат до шестнеделниот постнатален преглед пред повторно да имаат секс. Секој е различен, иако, и некои мајки можеби ќе треба да чекаат подолго.
• Најдете други начини да бидете интимни. Обидете се да ја покажете вашата љубов со дополнителни бакнежи или гушкања, држејќи се за раце, масажа или заедничко туширање. Дури и краток допир кога сте заедно во кујната или носење на работи од автомобилот може да ве потсетат на вашата врска.
• Споделете го товарот. Кога ќе се вклучите во грижата за бебето или преземате дополнителни домашни задолженија, тоа му дава на вашиот партнер повеќе време да се опорави.

Ова можат да бидат тешки прашања за кои треба да се зборува. Ако ви е тешко, можеби ќе сакате дапосетите брачен советник заедно.

Родителство во тим

Родителството во тим значи да се работи кон споделени родителски вредности, донесување одлуки заедно, конструктивно решавање на проблемите и мирно решавање на конфликтите.

Родителската тимска работа има неколку придобивки:

• Кога вие и вашиот партнер се справувате со предизвиците и наградите на родителството заедно, вие сте посилни и подобро опремени за да донесете тешки одлуки.
• Децата учат како да се однесуваат од гледање на начинот на кој комуницирате едни со други. Кога ќе се сретнете со предизвици, решавате проблеми и се справувате со конфликти на позитивни и кооперативни начини, моделирате добро однесување.
• Кога вашето бебе гледа или чувствува дека зборувате и работите добро заедно, тоа се чувствува безбедно и сигурно, па може дури и да плаче помалку.

Во раните денови, клучот е да останете позитивни и да се поддржувате едни со други додека научите како да родителствувате заедно. Овие совети можат да помогнат:

• Слушајте ги интересите и загриженоста на вашиот партнер. Мајките често велат дека ја ценат шансата да го споделат она што се случува - добро и лошо - со некој кој навистина се грижи.
• Бидете подготвени да помогнете кога сте потребни, така што вашиот партнер може да се одмори.
• Поддржувајте се еден со друг пред вашите деца, и разговарајте за несогласувањата кога децата не се наоколу.
• Чувајте несакани совети за себе - понекогаш вашиот партнер само ќе сака да го исклучи стресот со разговор со грижлив слушател.
• Направете редовно време да споделувате идеи за справување со проблемите - идеално време е кога сте одморени и не сте под стрес.

За повеќе информации, прочитајте ја важноста на тимската работа, поддржувајќи се едни со други, управување со конфликтите и решавање на проблемите заедно.

Разбирање на на новите улоги како родители

Важно е двојките да разговараат за нивните улоги и внатре и надвор од домот. На пример, ако таткото сака да биде тесно вклучен со своите деца, тој може да биде несреќен ако работи долги часови секој работен ден. Слично на тоа, не е здраво мајката да биде дома со полно работно време ако нејзината работа е важна за неа и таа е несреќна без неа.

Еве неколку појдовни точки за разговор:

• Што треба да се направи? Направете листа на барањата на вашето семејство, без разлика дали тоа се грижи за бебето, пазарење и перење, готвење, миење садови или заработување пари. Ова ќе ви даде почетна точка за планирање кој може да направи што.
• Колку секој од вас сака или треба да работи? Обидете се да ги погледнете фактите како што се кој заработува повеќе, како се чувстввувате кога останувате дома со вашето бебе.
• Колку пари ви се потребни? Изготвувањето на семејниот буџет може да ви помогне да одлучите дали еден или двајцата од вас можат да си дозволат да ги намалат работните часови за да поминат повеќе време дома, ако тоа е она што сакате да го направите.
• Чија работа е пофлексибилна? Може да откриете дека едниот работодавач е повеќе пријателски за семејството од другите. Ова може да направи голема разлика кога ќе се вратите назад на работа.
• Што ќе ве направи среќни? Не е важно кој ги презема улогите во семејството, се додека и двајцата се чувствувате среќни и исполнети.

Прочитајте повеќе за рамнотежата помеѓу работа и семејство за татковци, и да дознаете како функционираат силни семејства.