Përgatitja e një fëmije të vogël për vizitë te dentisti

Vizitat tek dentisti duhet të jenë të rregullta. Vizita e parë planifikohet në moshën 6 muajshe dhe më pas një ose dy herë në vit. Gjatë vizitës, dentisti do ta ekzaminojë gojën dhe dhëmbët e fëmijës suaj, si dhe do t'ju flasë për kujdesin dhe mbrojtjen e dhëmbëve si dhe rreziqet e mundshme që mund të çojnë në prishjen e tyre. Në përputhje me moshën e fëmijës, dentisti do të:

• demonstrojë procedurën ose performojë procedurat e planifikuara: do të pastrojë njollat e bardha dhe aplikojë preparate fluori për mbrojtje shtesë;
• në rast se vërehet prishje e dhëmbëve, do të caktoni termin për trajtim. Nëse është e mundur, është mirë ta caktoni atë në mëngjes, kur fëmija ka fjetur dhe ka pushuar mirë.

Përpara se ta vizitoni dentistin, është mirë të flisni me fëmijën rreth pritshmërive, në mënyrë që ai/ajo të mos përballet me një situatë krejtësisht të panjohur dhe frikë shtesë:

• Mundohuni ta mbani bisedën të qetë dhe dërgoni sinjale për vizitën e ardhshme si një përvojë interesante.
• Përdorni shprehje që do ta bëjnë më të lehtë për fëmijën të kuptojë: se dentisti do t'i: "bëjë një fotografi të dhëmbëve të tij/saj", "t'i numërojë dhëmbët" dhe ndoshta "t'ia pastrojë".
• Loja e "dentistit" në shtëpi do ta bëjë më të lehtë për të të kuptojë se çfarë po ndodh. Fillimisht ju e luani rolin e dentistit dhe ia numëroni dhe pastroni dhëmbët e tij/saj dhe më pas i ndërroni rolet.
• Ai/ajo do ta ketë më të lehtë të pranojë ndërhyrjen kur prishjen e dhëmbëve e paraqitni si “krimb”, kurse rregullimin e dhëmbëve si “pastrim special apo bletë”. Mund të jetë veçanërisht interesante nëse i thoni që ai/ajo do ta marrë një “yll” në ngjyrën e zgjedhur prej tij/saj. Shmangni fjalë të tilla si: dhimbje, shpim, gjilpërë, të cilat do ta shqetësojnë dhe trembin fëmijën tuaj.
• Lexoni tregime edukative për fëmijën tuaj rreth vizitës te dentisti, shikoni fotografi, ndoshta edhe ndonjë videoklip të përshtatshëm.

Pas vizitës te dentisti, sigurohuni që të flisni me fëmijën se si shkoi "ekzaminimi". Sigurohuni që t'i jepni një shembull të mirë fëmijës suaj, si në kujdesin e përditshëm dentar ashtu edhe në vizitat e rregullta te dentisti.

Dërgojeni fëmijën tuaj te dentisti rregullisht, një deri në dy herë në vit, dhe më shpesh nëse është e nevojshme