Si të flemë më mirë: 10 këshilla për fëmijët

Lidhur me gjumin e mirë tek fëmijët

Gjumi i mirë i natës ka të bëjë me rënien në gjumë dhe qëndrimin në gjumë. Shumica e fëmijëve zgjohen vetë në mëngjes nëse flenë mjaftueshëm dhe nëse gjumi i tyre ka qenë i mirë.

Rënia në gjumë
Shumica e fëmijëve bien në gjumë brenda 20 minutave pasi të shtrihen në shtrat. Koha e nevojitur për të fjetur mund të varet nga sa i përgjumur është trupi i fëmijës suaj, si dhe nga rutina e tij/saj e ditës dhe ajo para gjumit. Rutina specifike para gjumit e ndihmojnë fëmijën tuaj të qetësohet para gjumit, në mënyrë që ta zërë gjumi më lehtë.

Gjumi më i mirë tek fëmijët: këshilla

1. Caktoni një rutinë para gjumit
Rutina e rregullt para gjumit e cila nis në të njëjtën kohë dhe rutina e dushit, tregimeve dhe shtratit mund t'i ndihmojë fëmijët më të vegjël të ndihen gati për gjumë. Për fëmijët më të rritur, rutina mund të përfshijë një bisedë të qetë me ju lidhur me atë që ka ndodhur ditën, dhe më pas kalon pak kohë vetëm duke u relaksuar para fikjes së dritave.

2. Relaksimi para gjumit
Inkurajoni fëmijën tuaj të relaksohet para gjumit. Fëmijët më të rritur mund të dëshirojnë të pushojnë duke lexuar libër, duke dëgjuar muzikë të lehtë ose duke praktikuar frymëmarrjen për relaksim. Nëse fëmijës suaj i duhen më shumë se 30 minuta për të fjetur, mund t'i duhet kohë më e gjatë e qetësimit për të fikur dritat dhe për të fjetur.

3. Mbani orar të rregullt të fjetjes dhe zgjimit
Mbani oraret e fjetjes dhe zgjimit të fëmijës suaj në kufij të 1-2 orëve nga njëra-tjetra çdo ditë. Ndjekja e kësaj rregulle ju ndihmon të mbani orën e trupit të fëmijës suaj në rutinë të rregullt. Kjo mund të ndiqet në fundjava dhe pushime, si dhe në ditët e shkollës.

4. Fëmijët më të mëdhenj gjumin e ditës duhet ta kenë të hershëm dhe të shkurt
Shumica e fëmijëve ndalojnë gjumin e ditës në moshën 3-5 vjeç. Nëse fëmija juaj mbi pesë vjeç bën ende gjumë dite, përpiquni që gjatësia e këtij gjumi të jetë jo më shumë se 20 minuta dhe të mos ndodhë më vonë se pjesa e pasdites së hershme. Gjumi më i gjatë dhe i mëvonshëm mund ta bëjë gjumin e natës më të vështirë.

5. Sigurohuni që fëmija juaj ndihet i/e sigurt gjatë natës
Nëse fëmija juaj ndihet i/e frikësuar nga të shkuarit në shtrat ose nga qëndrimi në errësirë, ju mund ta lavdëroni dhe shpërbleni sa herë që merr guximin për ta bërë këtë. Shmangia e emisioneve televizive, filmave dhe lojërave kompjuterike të frikshme mund të ndihmojë gjithashtu në këtë aspekt. Fëmijët të cilët kanë frikë nga gjumi ndihen më mirë kur kanë dritë nate afër.

6. Kontrolloni zhurmën dhe dritën në dhomën e gjumit të fëmijës suaj
Kontrolloni nëse dhoma e gjumit e fëmijës tuaj ka më shumë dritë ose më shumë zhurmë se sa nevojitet për të fjetur. Drita e kaltër nga televizorët, ekranet e kompjuterit, telefonat dhe tabletët mund të ulë nivelet e melatoninës dhe të vonojë përgjumjen. Fikja e këtyre të paktën një orë para gjumit ndihmon përpjekjet tuaja.

7. Shmangni orën                                                                                               
Nëse fëmija juaj kontrollon shpesh orën, inkurajojeni atë të zhvendosë orën e murit apo të dorës në një vend ku nuk mund ta shohë atë.

8. Hani sasinë e duhur në kohën e duhur
Ndjenja e urisë ose e ngopjes së tepërt para gjumit mund të bëjë që fëmija juaj të mos jetë i/e përgjumur dhe t'i shkaktojë parehati.

9. Ekspozojuni sasive të bollshme të dritës natyrale gjatë ditës
Inkurajoni fëmijën tuaj t'i ekspozohet dritës natyrale sa më shumë që të jetë e mundur gjatë ditës, veçanërisht në mëngjes. Drita e fortë ul nivelet e melatoninës. Kjo e ndihmon fëmijën tuaj të ndihet zgjuar dhe jo i/e përgjumur gjatë ditës ndërsa të ndihet i/e përgjumur në kohën e gjumit.

10. Shmangni kafeinën
Kafeina gjendet në pije energjike, kafe, çaj, çokollatë dhe cola. Shmangni këto në orët e vona të pasdites dhe në mbrëmje.  

Është gjithmonë ide e mirë të lavdëroni fëmijën tuaj kur vëreni se ai/ajo përpiqet të bëjë ndryshime në shprehitë e gjumit ose kur provon rutinë të re.

Kur shqetësimet ndikojnë në gjumin e fëmijës tuaj

Në rast se fëmija juaj ka shqetësime dhe ankth që e ndalojnë së relaksuari në kohën e gjumit, shihni nëse mundeni t'i trajtoni këto shqetësime në mënyrë të menjëhershme, dhe nëse nuk arrini ta bëni këtë, ndoshta do të ishte më mirë të pranoni ndjenjat e fëmijës tuaj dhe të planifikoni butësisht t'i rregulloni gjërat në mëngjes.

Problemet me gjumin mund të ndikojnë në disponimin, detyrat e shkollës ose marrëdhëniet e fëmijës suaj. Ju duhet të kërkoni ndihmë nga mjeku juaj i përgjithshëm në rastet kur problemet me gjumin vazhdojnë për më shumë se 2-4 javë