Ёрии аввал ҳангоми газидани ҳашарот
Муҳим аст, ки ҷои газида ва навъи ҳашаротро муайян кунед, то фаҳмед, ки ба муассисаи тиббии наздиктарин муроҷиат кардан лозим аст ё метавонед мустақилона кӯмаки аввалияро расонед.
Body
Кӯмак ҳангоми газидани ҳашарот инҳоро дар бар мегирад:
- Кӯдаки худро ором кунед ва нагузоред, ки ӯ ҷои газидаро расад ё харошад.
- Нешро бо ашёи кунд (тарафи кунди корд) эҳтиёткорона хориҷ кунед. Ин корро ҳарчи зудтар анҷом додан муҳим аст, зеро то даме, ки неш дар пӯст аст, заҳрхориҷкунии он идома меёбад.
- Ҷои газидаро бо оби тозаи равон ва собун шӯед.
- Барои кам кардани дард ва варам ба ҷои газида компресси хунук (масалан, яхи дар матоъ печонида шуда) монед. Компрессро дар давоми 15 дақиқа нигоҳ доред ва ҳеҷ гоҳ бевосита ба пӯст ях нагузоред – ҳатман онро бо матоъ печонед.
- Агар ҷои газида дар даст ё пой бошад, барои кам кардани варам даст ё пойро баланд бардоред.
- Пас аз пайдо шудани тағйироти маҳдуд дар соатҳои минбаъда ҳолати умумии кӯдакро бодиққат назорат кардан лозим аст, то ки зуҳуроти эҳтимолии аксуламали шадиди аллергӣ сари вақт муайян карда шавад.
Агар шумо аломатҳо ва нишонаҳои қаблан зикршудаи аксуламали ҷиддии аллергиро дар кӯдак мушоҳида кунед ё агар ҳашарот даҳон, бинӣ, гулӯи кӯдакро газида бошад, агар кӯдак ҳашаротро фурӯ бурд ё ба роҳи нафас кашид, фавран ба ёрии таъҷилии тиббӣ занг занед (103).
Агар вазъият чунин бошад, ки шумо зудтар ба духтур рафта метавонед, кӯдакро ба муассисаи тиббии наздиктарин (маркази саломатӣ, беморхона) интиқол диҳед.
