Xalqaro sayohatlarda bolalarni emlash

Xalqaro miqyosda sayohat qiladigan bolalar emlash taqvimiga muvofiq majburiy emlashlardan tashqari, sayohat qiladigan mamlakatida talab etiladigan emlamalarni yoki pediatr / mutaxassis tavsiyasiga koʻra yuqumli kasalliklar dasturiga muofiq emlamalarni oladi.

Yoʻlovchilarni olishlari zarur boʻlgan vaksinalar bilan faol emlash

• Chet davlatga sayohatga ketayotgan bolalar epidemiologik koʻrsatmalarga asosan maʼlum kasalliklarga qarshi emlashni talab qiladigan mamlakatlarga borsalar, Xalqaro tibbiy-sanitariya qoidalariga muofiq va Jahon Sogʻliqni Saqlash Tashkilotining tavsiyalari asosida emlash olishlari kerak.

• Emlash sogʻliqni saqlash tizimi muassasalarida amalga oshiriladi va vakolatli muassasa emlash toʻgʻrisida guvohnoma beradi.
• Bolalar quyidagi kasalliklarga qarshi vaksinalar bilan emlanadi:
  • sariq isitmaga qarshi – 9 oylikdan katta bolalarga sayohatdan 10 kun oldin vaksinaning bir dozasi yuboriladi va bu kasallikdan umrbod himoyalanadilar.
  • meningokokk infeksiyasiga qarshi – 9 oylikdan katta bolalar sayohatdan 10–14 kun oldin toʻrt valentli meningokokk vaksinasini oladilar.
  • shuningdek, ular boradigan mamlakat talabiga koʻra yuqumli kasalliklarga qarshi emlanadilar.

Yoʻlovchilarga tavsiya etilgan vaksinalar bilan faol emlash

• Bola sayohat qilayotgan mamlakatning epidemiologik holati asosida shifokor / mutaxassis bolangizga boshqa vaksinalarni ham tavsiya qilishi mumkin.
• Tavsiya etilgan vaksinalar roʻyxati uzun, ammo farzandingiz emlashlar taqvimiga mos vaksinalarni olgani sababli qoʻshimcha tavsiyalar quyidagi kasalliklarga tegishli boʻlishi mumkin:
  • qorin tifi – 2 yoshdan katta bolalar uchun;
  • gripp – 6 oydan katta bolalar uchun;
  • suvchechak – 12 oydan katta bolalar uchun.

Bolangiz uchun emlash xarajatlarini ota-onalar / vasiylar qoplaydi, chunki bola sayohat maqsadida emlanmoqda.