Kontakti lëkurë me lëkurë menjëherë pas lindjes

Kontakti i drejtpërdrejtë midis nënës dhe të porsalindurit të shëndetshëm menjëherë pas lindjes është i çmuar dhe i domosdoshëm. E bën më të lehtë përshtatjen e foshnjës me mjedisin e jashtëm, inkurajon krijimin e një marrëdhënie të ngushtë midis nënës dhe foshnjës dhe një fillim të mirë dhe të suksesshëm të ushqyerjes me gji.

Nëna është përsëri këtu!

Përmes lëkurës, i porsalinduri ndjen ngrohtësinë e trupit dhe prekjen tuaj; ka ndjenjën e përqafimit. Dëgjon zërin tuaj të njohur dhe rrahjet e zemrës, një tingull tashmë i njohur. Krijon kontakt me sy. Kontakti i parë me sy mes nënës dhe foshnjës është një moment, rëndësia dhe domethënia e të cilit nuk mund të theksohet sa duhet, është moment që nuk do ta harroni kurrë. Ky moment intensiv shpeshherë është vendimtar për vendimin e nënës për të ushqyer foshnjën me qumësht gjiri.

Kontakti trupor

Kontakti i foshnjës me trupin e nënës qetëson nënën dhe foshnjën, ndihmon në stabilizimin e ritmit të zemrës dhe frymëmarrjes së foshnjës, mban fëmijën e ngrohtë falë nxehtësisë së trupit të nënës, ndihmon në rregullimin metabolik të të porsalindurit dhe stabilizimin e sheqerit në gjak, parandalon të qarën e foshnjës, duke reduktuar stresin dhe konsumin e energjisë, mundëson kolonizimin e foshnjës nga bakteret e nënës, lehtëson lidhjen mes nënës dhe foshnjës, lejon foshnjën të gjejë gjoksin dhe të kapë me gojë thithkën.

Rekomandime:

Kontakti duhet të bëhet menjëherë, madje edhe para prerjes së kordonit të kërthizës, ose sa më shpejt të jetë e mundur gjatë minutave të para.
Kohëzgjatja e kontaktit duhet të jetë së paku një orë.
Lindja me prerje cezariane- seksion cezarian nën anestezi spinale/epidurale gjithashtu lejon kontaktin lëkurë me lëkurë.
Në rast të prerjes cezariane nën anestezi të përgjithshme, foshnja mund të kontaktojë me babin menjëherë pas lindjes, ndërsa me nënën pasi të zgjohet (në disa orë).
Tek binjakët, binjaku i parë mund të ketë kontakt fizik me nënën derisa të fillojë lindja e të dytës.

Si të sigurohet kontakt lëkurë me lëkurë

Foshnja nuk vihet në gjoksin e zhveshur dhe barkun e nënës.
Foshnja mund të fshihet përpara kësaj për të stimuluar frymëmarrjen dhe të qarat. Pëllëmbët nuk fshihen, era e njohur e lëngut amniotik qetëson të porsalindurin.
Foshnja pozicionohet në gjoksoin/abdomenin e nënës në bark, me krahë të hapur, këmbët pak të hapura dhe të përkulura.
Foshnja duhet të ketë kapele dhe të mbulohet me peshqir ose kompresë.
Hunda dhe goja nuk duhet të mbulohen, koka duhet kthyer anash, me qafën drejt pa u përkulur përpara, për të siguruar që rrugët e frymëmarrjes janë të hapura.

Nëse shqetësoheni se do të jeni e lodhur pas lindjes, duhet të dini se nuk ka asgjë që do t'ju relaksojë më shumë dhe do t'ju bëjë të lumtur sesa kontakti i ngushtë me foshnjën tuaj! Nëse shqetësoheni se foshnja është e përgjumur, duhet të dini se në orët e para pas lindjes i porsalinduri është zgjuar, shqisat e nuhatjes dhe shijes janë të mprehta është gati për tu ushqyer me qumësht gjiri. Jeni të shqetësuar nëse foshnja është mirë, duhet të dini se personeli mjekësor në dhomën e lindjes, monitoron me vigjilencë ju dhe foshnjën tuaj.