Të mësuarit rreth emocioneve: aktivitet për fëmijët 3-6 vjeçarë

Të mësuarit për emocionet: pse është mirë për fëmijët

Fëmija juaj do të jetë më i lumtur dhe do t’i përballojë më mirë problemet nëse di si t’i njohë dhe t’i kuptojë vetë emocionet e veta. Ky është një proces gradual, derisa fëmijët zhvillohen.

Kur fëmija juaj mund të njohë, kuptojë dhe flasë për emocione të forta si ngazëllimi, zhgënjimi, zemërimi ose dëshpërimi, ai/ajo ka më pak të ngjarë t’i shprehë këto emocione nëpërmjet sjelljeve sfiduese, si shpërthimet e inatit.

Të qenit në gjendje të njihni dhe kuptoni se si ndihen të tjerët, mund ta ndihmojë fëmijën t’ia dalë mirë edhe me të tjerët.

Çfarë ju duhet për ta ndihmuar fëmijën të mësojë për ndjenjat?

Këto aktivitete mund t’i bëni kudo dhe kurdo që luani me fëmijën tuaj. Të duhet vetëm fytyra juaj!

Si ta ndihmosh fëmijën të mësojë për ndjenjat?

Ky aktivitet i jep fëmijës tuaj praktikë në emërtimin e emocioneve në një mënyrë argëtuese dhe loje.

• Zgjidhni një emocion. Me fëmijët më të rinj të moshës parashkollore, filloni me ato themelore – për shembull, “i mërzitur”, ndërsa te më të rriturit, diçka si “i frustruar” ose “i emocionuar”.
• Bisedoni me fëmijën tuaj për një kohë që e keni ndjerë atë emocion dhe kur ai mund ta ndjejë atë gjithashtu – për shembull, “Unë emocionohem kur është ditëlindja ime. Kur emocionohesh ti?”
• Tregojani fëmijës emocionin me fytyrën dhe trupin tuaj. Për shembull, tregoji fëmijës një fytyrë të emocionuar, duartrokisni, kërceni lart e poshtë, e kështu me radhë.
• Shprehni emocionin derisa e shfaqni – për shembull, “Po ndihem i emocionuar”.
• Kërkoji fëmijës të ta tregojë të njëjtin emocion me fytyrën dhe trupin e tij/saj.
• Mund ta bëni me radhë shfaqjen dhe supozimin e emocioneve të ndryshme dhe të flisni për kohët, kur i keni ndjerë këto emocione.

Ide të tjera për të mësuar rreth ndjenjave

Nëse ke marrë përsipër një ndjenjë, shiko nëse ti dhe fëmija mund të gjeni një shembull në një libër që po e lexoni.  “Shiko fotografinë e djalit. A duket i/e mërzitur?  Pse, mendon ashtu?”

Përpiqu t’i vizatosh fytyrat e emocioneve dhe të gjesh çfarë përfaqësojnë ato. Fëmija juaj më i madhi i moshës parashkollore mund të vizatojë me ty.

Përdor kukullat ose lodrat e preferuara për të përzier emocionet dhe pastaj për të folur për emocionet që “i ndiejnë” lodrat. Për shembull, një lodër mund të jetë tepër e frikësuar për të luajtur ose për t’u ndier e entuziazmuar për një festë.

Përshtatja e kësaj veprimtarie emocionale për fëmijët e moshave të ndryshme

Mbaji shumë të thjeshta ndjenjat dhe emocionet për fëmijën më të vogël. 

Fëmija juaj më i madh do të jetë në gjendje t’i kuptojë dhe mësojë fjalët për emocione më komplekse, si “konfuz” ose “xheloz”. Ndoshta do ta ketë më të lehtë t’i ndërlidhë emrat e emocioneve me përvojat e tij/saj.