Сувязь з нованароджанымі і немаўлятамі: у малюнках

Сувязь праз абдымкі, дотыкі і выраз твару

Бацька абдымае сваё дзіця.

Прыціскайце дзіця да  грудзей злева, каб яно магло чуць ваша сэрцабіццё. Гэта добра для сувязі з нованароджанымі, таму што дапамагае ім адчуваць сябе ў бяспецы.

Кантакт «скура да скуры» і масаж.

Кантакт «скура да скуры», як і дзіцячы масаж, можа дапамагчы вашаму дзіцяці адчуваць сябе ў бяспецы. Заўсёды выкарыстоўвайце дотыкі для супакаення.

Кантакт вочы ў вочы.

Глядзіце дзіцяці ў вочы і выкарыстоўвайце міміку, калі размаўляеце з ім. Гэта дапаможа яму зразумець сувязь паміж словамі і пачуццямі.

Сувязь праз размовы і чытанне

Размовы з дзіцем.

Немаўляты любяць чуць напеўны голас замест звычайнага маўлення дарослых. Паспрабуйце размаўляць такім голасам падчас зносін з дзіцем.

Чытанне кнігі.

З самага нараджэння чытайце кнігі і расказвайце гісторыі разам з дзіцем. Яму падабаецца чуць ваш голас у гэты асаблівы час, які вы праводзіце разам.

Час з дзіцем.

Размаўляйце з дзіцем на працягу дня. Называйце цацкі і рэчы, якія знаходзяцца вакол. Напрыклад: «Глядзі, гэта твае шкарпэткі. Яны надзяваюцца на ножкі».

Спевы, усмешкі і гульні: яшчэ больш ідэй для збліжэння

Маці спявае дзіцяці.

Спевы — гэта цікавы спосаб развіць у вашага дзіцяці моўныя навыкі. Вашаму дзіцяці таксама падабаецца рытм, а ваш голас яго супакойвае.

Бацька ўсміхаецца дзіцяці.

Усміхайцеся свайму дзіцяці. Калі яно бачыць, што вы ўсміхаецеся, гэта дазваляе яму адчуваць сябе добра. Пры гэтым выдзяляюцца хімічныя рэчывы, якія дапамагаюць мозгу дзіцяці расці.

Маці гуляе ў простыя гульні з немаўлём.

Пагуляйце з дзіцем у простыя гульні (напрыклад, «Ку-ку») — яны дапамагаюць дзіцяці вучыцца новаму.