Баланын 7-9 айлык курагындагы физикалык жактан өсүшү

Жылдын экинчи жарымында баланын өсүшү бир аз акырындайт, бирок ал дагы эле өсүп жатат жана баланын өсүшүнө тамактануу жана кыймыл-аракет активдүүлүгү чоң таасирин тийгизет.

Сиз балким, болжол менен төртүнчү айда баланын өсүшү бир аз басаңдаганын байкагандырсыз.

• Ушул мезгилде эне сүтү бала үчүн жалгыз тамак эмес. Ал бара-бара өсүмдүк жана жаныбар тектүү башка азыктарды жегенге көнө баштайт. Бул мезгилде ал кыймыл-аракет жасоодо жана айлана-чөйрөнү изилдөөдө кыйла активдүү боло баштайт, бул анын өсүүсүнө олуттуу таасирин тийгизет. Бала уктап жатканда чоңоёт жана бул өсүү ошондой эле ал канча  уктагандыгынан жана анын уйкусу кандай экендигинен көз каранды.

• Бала жашоосунун алгачкы жумаларында түзгөн өсүү темпин уланта берүүсү маанилүү.

• Ушул мезгилде балаңыз 1,5-2 см өсөт жана 300 гр баштап 350 гр чейин салмак кошот деп күтүүгө болот. Эгер бала кичирээк жана абдан кыймылдуу болсо, ага тогузунчу айда 200дөн 250 гр чейин кошуу жетиштүү болот.

• Мээ интенсивдүү өсүүсүн улантат, ал эми баштын айланасы ай сайын болжол менен 0,5 см чоңоёт.

Ар бир баланын өсүшү уникалдуу жана аны стандарттык өсүү диаграммаларынын жардамы менен көзөмөлдөөгө болот.