Што е рана интервенција и каде да се обратиме

Контактирајте го вашиот лекар/педијатар за вклучување во програмите за рана интервенција. Тимот за рана интервенција обично се состои од педијатри, психолози, специјални едукатори, логопеди, социјални работници и медицински сестри.  

Раната интервенција се изведува за деца на возраст до 5-6 години, кои имаат заостаток во развојот и развојни отстапувања, но најдобро е да се започне со тоа што е можно порано. Раната интервенција е многу важна поради огромниот развоен потенцијал на детето во првите години од животот и пластичноста на мозокот, што овозможува постигнување на оптимален развој на дете со потешкотии во развојот. 

Секое развојно отстапување може да биде критериум за вклучување на семејството во рана интервенција дури и без поставена дијагноза. 

Услугите за рана интервенција и програмите за поддршка на семејството: 

• се спроведуваат од страна на тим 

• се спроведуваат поединечно за секое дете и семејство, на основа на дневни рутини и активности во семејството и градинката (кога детето е вклучено во тимот) 

• се фокусирани на семејството, за да ги земат предвид семејните приоритети, контекстот, мрежата за поддршка и семејните услови за живеење 

• се потпираат на можностите на детето и семејството на кое се гради и спроведува планот за поддршка 

• се фокусирани на интересите и мотивацијата на детето во контекст на секојдневните активности 

• се спроведуваат врз основа на научно докажани стратегии за стимулирање на развојот на децата. 

Иако врз основа на докази, раната интервенција не е подеднакво ефикасна кај сите деца со аутизам, ниту пак е подеднакво ефикасна во различни фази од животот.