Рани знаци кои укажуваат на аутизам. Што треба да направите ако ги забележите?

Раните знаци се појавуваат кај деца до 2-годишна возраст, и доколку забележите некој од нив, потребно е да побарате помош од специјалист.

Ако детето: 

  • не остварува контакт со очите 

  • не реагира кога ќе се повика по име 

  • не ви возвраќа со насмевка 

  • не користи демонстративни движења 

  • не користи гест за поздрав 

  • не гледа во насоката која му покажувате / на пример, кога му покажувате авион на небото 

  • не ви посочува работи  од неговиот / нејзиниот интерес 

  • не развива говор 

  • постојано повторува исти зборови и фрази  (ехолалија) 

  • играчките ги реди на специфичен начин / на пример во низа 

  • заинтересиран е само за дел од играчката / на пример само за тркалата на автомобилот 

  • има невообичаени и чести движења на телото - мавта со рацете, се врти, се лула, оди на прсти 

  • се вознемирува на мали промени во животната средина 

Ако забележите некој од овие симптоми, треба да контактирате доктор / педијатар, кој има можност да ве упати на понатамошно испитување во здравствена установа каде има специјалисти кои се занимаваат со овие развојни проблеми.