Редовен здравствен преглед: на возраст од 18 месеци

Редовните превентивни прегледи за бебиња на оваа возраст вклучуваат преглед на растот, развојот и здравјето на вашето дете. Ќе се изврши планираната ревакцинација и ќе се дадат препораки за понатамошен успешен напредок на детето.

Вашето дете веќе оди и влече играчки додека оди. Сега тоа веќе ги разбира вербалните наредби без да ги покажува и користи повеќе зборови во комуникацијата. Веројатно ги имитира гестовите што ги правите и се обидува да ве вклучи во играта. Започнува посилно да ја изразува својата волја и понекогаш не сака да ги почитува вашите наредби. Досега научило многу, но нема секогаш да го покажува тоа. 

Подготовки за посетата 

  • Покрај вообичаените работи што ги носите за детето, проверете дали има нешто од медицинската документација што треба да се однесе на лекар. 

  • Понесете ја омилената играчка или сликовница на детето и шише вода. 

  • Подгответе прашања за да го прашате вашиот лекар. 

  

Содржина на превентивната посета 

  • Може да ви биде даден прашалник за проценка на развојот што треба да го пополните додека чекате за преглед. 

  • Следење на растот: мерења на должината на телото, телесната тежина и обемот на главата

  • Воведно интервју и советување:  Лекарот ќе провери колку пораснало детето во меѓувреме и дали има проблеми со исхраната. Ова е добра можност да се дискутира колку време детето е физички активно и колку време поминува во седечка положба, колку спие, како да се заштити детето од повреда, без разлика дали детето посетува предучилишна установа. Лекарот / медицинската сестра исто така ќе разговараат за важноста да му читате на детето, играњето заедно со другите членови на семејството во домот и надвор од дома.

  • Проценка на комуникациските способности (да се исклучат раните знаци на аутистично нарушување). 

  • Медицински преглед и проценка на развојот: Лекарот ќе изврши редовен клинички преглед на вашето дете, ќе разговара со него и ќе следи како се однесува.

  • Здрав начин на живот: Лекарот ќе разговара со вас за важноста да се спречи изложеност на детето на чад од тутун, спречување на рано изложување на медиуми, да не се става бебето во кревет со шише, особено шише кое содржи формула или засладен пијалок, безбедно изложување на сончева светлина и како безбедно да го возите вашето бебе во автомобил. Покрај тоа, тимот ќе разговара за предностите и придобивките од учеството на детето во семејни оброци. Исто така се дискутира и за прашањата на забите и хигиената на усната шуплина.

Вакцинација  

  • Лекар / медицинска сестра ќе провери кои вакцини ги примило вашето дете досега. Доколку ги примило сите потребни вакцини во согласност со важечкиот календар за имунизација, медицинскиот персонал ќе провери како реагирало на примените вакцини и дали во меѓувреме покажало алергија на некоја храна или лек. 

  • Помеѓу 12-18 месечна возраст (во зависност од националниот распоред за имунизација на секоја земја) децата ги примаат следниве вакцини:

            - Вакцина против сипаници, заушки и рубеола

            - Ревакцинација против бактеријата Streptococcus pneumoniae. 

           - Следната доза на комбинираната вакцина против дифтерија, тетанус, голема кашлица, детска парализа и хемофилус инфлуенца Б

 

Конечно мислење 

  • Врз основа на сите информации стекнати за време на посетата, лекарот ќе го сподели со вас своето мислење за растот, развојот и здравјето на вашето дете.  

  • Доколку на некои области од развојот им е потребна посилна и постручна поддршка, вашето дете ќе биде упатено кај специјалист или центар за развој 

  • Ќе бидете информирани кога да ја планирате следната посета во третата година, по можност околу 30-ти месец. 

Запомнете дека превентивните редовни прегледи на здравјето се воведени со цел да се следи здравјето и напредокот на вашето дете на соодветен начин и континуирано да се поддржува. Не ја пропуштајте можноста!