Рутински прегледи во третата година

Целта на рутинските превентивни прегледи на оваа возраст е да се провери растот, развојот и здравствениот статус на вашето дете и да се дадат препораки за неговиот успешен напредок

Вашето дете е де поактивно дома и надвор. Најверојатно сака да си игра игри со преправање и има развиена фантазија. Користи се повеќе зборови и составува реченици од 3-4 зборови. 

Подготовка за преглед

  • Проверете дали имате некои резултати кои треба да му ги покажете на педијатарот. 

  • Не ја заборавајте омилената играчка или сликовница и понесете со себе шише со вода. 

  • Медицински преглед и проценка на развојот: Докторот ќе направи редовен физикален преглед, ќе разговара со него и ќе следи како тоа реагира и се однесува. 

 

Забелешки за превентивниот преглед

  • Проценка на развојот. 

  • Ледење на растот: мерење на тежина и висина и обем на глава.

  • Воведно интервју: Докторот ќе провери колку пораснало детето од претходниот преглед.  Ќе ве праша за неговата исхрана, физичка активност, спиење, игра, учење и дали оди во градинка. Докторот исто така ќе ве советува за важноста да му читате на детето, заедничката игра, вклучително и играње со деца на негова возраст. Многу е важно да разговарате за можните ризици за здравјто на детето, како на пример носење на кацига кога вози велосипед. Запомнете дека овој преглед е одлична можност да се добијат важни препораки за воведување на неопходните промени. 

  • Преглед и проценка на развојот: Докторот ќе го прегледа детето - устата, носот, ушите, ќе ги слушне белите дробови и срцето, ќе го прегледа стомакот и рќбетот на детето. За време на прегледот, можете да разговарате со докторот, да поставувате прашања и објаснување на некои дилеми кои ги имате. Ова е исто така можност да разговарате за развојот на детето. 

  •  Докторот исто така може да направи преглед на видот и слухот при оваа посета

Вакцинација

  • На оваа возраст не е предвидена вакцинација. 

  • Доколку вашето дете нема примено некоја од редовните вакцини во тек на првите две години од животот, и нема здравствени проблеми, ќе ги прими пропуштените дози вакцина/и за време на овој преглед. 

Финално мислење

  • На основа на прегледот и информациите кои ќе ги добие од вас, докторот ќе ви ја соопшти финалната проценка за здравствениот статус и развојот на детето. 

  • Во случаи кога на детето му се потребни дополнителни испитувања, или поинтензивна поддршка во областа на развојот, ќе бидете упатени кај соодветен специјалист или центар за развојни нарушувања. 

  • YДокторот исто така ќе го закаже следниот преглед и може да ви даде брошури или летоци со повеќе информации. 

 

На оваа возраст, растот на детето постепено се забавува, но на детето се уште му е потребно постојано внимание, следење и соодветна поддршка. Искористете ги превентивните прегледи за да му ја дадете соодветната поддршка на детето.