Стимулирање на социо-емоционалниот развој: 0-3 месеци
„Вашето дете стекнува чувство на сигурност и доверба преку неговиот однос со вас. Блискоста што ја чувствувате, заедничкото време и интеракциите, ќе ви помогнат да го запознаете вашето бебе, неговата состојба и потреби “.
Body
Важноста на близината
- Бидете близу до бебето. Кога сте покрај бебето, помагате да ве чувствува посилно и да ве открие со неговите сетила. Потоа го гледа вашето лице, го слуша вашиот глас, чувствува мириси и допири. Тоа почнува да ве препознава и да ве бара. Бебето се чувствува безбедно со вас.
- Кога вашето бебе е будно, одморено и добро расположено, тоа ќе има желба да ве гледа. Искористете го тоа време. Внимавајте на однесувањето и реакциите на бебето. Вашите насмевки ќе го насмеат вашето бебе. Движењето на усните и вашиот глас ќе го стимулираат бебето да ги движи усните и да произведува гласови. Вашите допири ќе го смират бебето кога е возбудено.
Важноста на интимноста
- Обратете му се на бебето по име, разговарајте со него и пејте. Помогнете му на вашето бебе да ја чувствува љубовта што ја чувствувате кон него преку вашите постапки. Бидете нежни.
- Именувајте ги чувствата и намерите што ги гледате во постапките на вашето бебе. Бебешката насмевка што ја забележувате е секогаш насочена кон вас. Плачењето на бебето е повик до вас. Зборувајте за тоа што правите, покажете му на вашето бебе дека сте тука.
- Понекогаш бебето нема да биде расположено за контакт, можеби ќе ја сврти главата од вас, на другата страна или ќе плаче. Не грижете се, само му треба малку одмор. Почекајте и насмевката ќе дојде повторно.
