Sjellja e fëmijëve të moshës parashkollore: Çfarë të presësh?

Sjellja e fëmijëve të moshës parashkollore

Fëmijët e moshës parashkollore janë të magjepsur nga bota përreth tyre, kështu që ju mund të prisni shumë pyetje “kush”, “çfarë” dhe “pse”. Ju mund të keni nevojë të ndani më shumë kohë, kur jeni duke bërë gjëra me fëmijën tuaj të moshës parashkollore - për shembull, në mënyrë që ai/ajo të ndalet dhe ta shikojë një kërmilli në shtegun për këmbësorë.

Derisa përpiqen të kuptojnë botën, fëmijët e moshës parashkollore ndonjëherë mund të shpërqendrohen. Mund të duket sikur parashkollori juaj nuk po ju dëgjon - por ai ende mund të përpiqet të kuptojë diçka që keni thënë pesë minuta më parë.

Pavarësia është e rëndësishme për fëmijët parashkollorë, të cilët janë shumë të prirë për të bërë gjëra për veten e tyre. Mirëpo fëmija juaj ka nevojë për mbështetjen tuaj për ta ndërtuar besimin dhe vetëvlerësimin. Në këtë drejtim do të ndihmojë rritja e vëmendjes pozitive, lavdërimet dhe mundësitë për të praktikuar aftësi të reja.

Fëmijët e moshës parashkollorë përmirësohen për sa i përket vetë-rregullimit, gjë që është e shkëlqyeshme për t’u shoqëruar me të tjerët në entin parashkollor (kopsht) ose në fushën e lojërave. Sidoqoftë fëmija juaj ka ende nevojë për ndihmën tuaj, për t’i shprehur ndjenjat e forta në mënyrë të përshtatshme dhe për ta menaxhuar sjelljen, veçanërisht në situata sfiduese.

Shkuarja në entin parashkollor: pse është e mirë për fëmijët

Fëmijët mund të përfitojnë nga shkuarja në entin parashkollor në këtë moshë.

Disa fëmijë mund t’u merr pak kohë për t’u mësuar me moshën parashkollore ose kanë frikë nga fillimi i shkuarjes në entin parashkollor (kopsht). Megjithatë ia vlen t’i përmbaheni kësaj sepse enti parashkollor i jep fëmijës tuaj mundësinë për të bërë miq dhe për të praktikuar aftësi si ndarja e gjërave dhe pritja e radhës. Në moshën parashkollore, fëmijët mund të fillojnë të mësojnë për respektimin e rregullave të njerëzve të tjerë dhe të shoqërohen me fëmijët e tjerë.

Shqetësimet lidhur me sjelljen e fëmijëve në vitet parashkollore

Ankthi
Ankthi është një pjesë normale e zhvillimit të fëmijëve, andaj fëmijët e mohës parashkollore shpesh kanë frikë nga gjërat si të qenit vetë ose të qenit në errësirë. Nëse fëmija juaj shqetësohet shumë ose tregon shenja ankthi, ju mund ta mbështesni atë duke e njohur frikën e tij/saj, duke e inkurajuar butësisht të bëjë gjëra për të cilat është në ankth dhe duke e lavdëruar atë kur i bën veprimet e tilla. Nëse ankthi ndikon në jetën e fëmijës suaj, atëherë vizitoni mjekun tuaj.

Ngacmimi (bulizmi)
Ngacmimi mund të jetë shkatërrues për besimin dhe vetëvlerësimin e fëmijëve, veçanërisht në vitet parashkollore. Nëse fëmija juaj ngacmohet në entin parashkollor, ai ka nevojë për shumë dashuri dhe mbështetje, si në shtëpi ashtu edhe në entin parashkollor. Ai/ajo gjithashtu duhet të dijë se ju do të ndërmerrni veprime për të parandaluar çdo ngacmim të mëtejshëm.

Zënkat
Mosmarrëveshjet dhe grindjet mes fëmijëve janë shumë të zakonshme. Disa faktorë ndikojnë në zënka - temperamenti, mjedisi, mosha dhe aftësitë. Ju mund të punoni me këta faktorë për t’i trajtuar zënkat në familjen tuaj.

Shprehitë 
Shumë fëmijë e kanë zakon, si kafshimi i thonjve ose rrotullimi i flokëve. Shprehitë e fëmijës suaj mund t’ju shqetësojnë, por zakonisht nuk është asgjë për t’u shqetësuar. Shumica e shprehive largohen vetvetiu.

Gënjeshtra
Ju mund ta keni kapur fëmijën tuaj duke thënë gënjeshtra të herëpashershme. Gënjeshtra është pjesë e zhvillimit dhe shpesh fillon rreth moshës tre vjeçare. Zakonisht është më mirë t’ua mësoni fëmijëve të vegjël vlerën e ndershmërisë dhe të treguarit të së vërtetës sesa t’i ndëshkoni për gënjeshtra të vogla.

Ndrojtja
Sjellja e ndrojtur është normale te fëmijët e moshës parashkollore. Nëse fëmija juaj është i ngadalshëm në hapjen ndaj njerëzve, përpiquni ta mbështesni atë në situata shoqërore. Për shembull, ju mund të qëndroni në entin parashkollor për një kohë në mëngjes gjatë ditëve të para. Gjithashtu është mirë ta lavdëroni fëmijën tuaj për sjellje të guximshme shoqërore, si përgjigja ndaj të tjerëve, përdorimi i kontaktit me sy ose loja larg jush.

Zemërimi
Nëse fëmija juaj ka zemërim, mund të ndihmojë, nëse e keni parasysh që ai ende mëson mënyra të përshtatshme për t’i shprehur ndjenjat. Nëse punoni në zvogëlimin e stresit të fëmijës suaj, akordimin e ndjenjave të fëmijës suaj dhe zbulimin e shkaktarëve të zemërimit të fëmijës suaj, duhet të shihni më pak zemërim pasi ai t’i mbush katër vjeç.

Mos u shqetësoni nëse parashkollori juaj ka një mik imagjinar. Miqtë imagjinar burojnë nga imagjinata e shëndetshme dhe aktive. Ata u japin fëmijëve një mënyrë të shkëlqyeshme për t’i shprehur ndjenjat dhe praktikuar aftësitë shoqërore.

Ndihma e fëmijëve të moshës parashkollore për t’u sjellë mirë: këshilla

Përdorni përkujtues
Fëmijët e kësaj moshe kanë kujtime të shkurtra dhe shpërqendrohen lehtësisht. Ju mund të keni nevojë t’ia përkujtoni fëmijës suaj gjërat disa herë. Për shembull, kur afrohet koha për t’u larguar nga parku, provoni të thoni “Po shkojmë në shtëpi së shpejti”. Pastaj përkujtojani përsëri kur të vijë koha, se tani po niseni - “Edhe dy rrëshqitje të tjera edhe do të shkojmë”.

Ndani ndjenjat
Nëse fëmija juaj parashkollor e kupton se si ndikon sjellja e tij/saj tek ju, ai/ajo mund të jetë në gjendje të ndiejë për ju. Kështu që ju mund të thoni, “Po mërzitem sepse ka shumë zhurmë dhe nuk mund të flas në telefon”. Kur e filloni fjalinë me “Unë”, kjo i jep fëmijës tuaj mundësinë për t’i ndryshuar gjërat për hir tuajin.

Ndryshoni mjedisin
Shpesh mund ta parandaloni ose minimizoni sjelljen problematike duke ndryshuar mjedisin e fëmijës tuaj. Për shembull, nëse fëmija juaj i moshës parashkollore frustrohet sepse foshnja juaj vazhdon të zvarritet mbi lodrat e tij, përpiquni të gjeni një vend të qetë, ku parashkollori juaj mund të luajë i pashqetësuar.

Disiplina e fëmijës së moshës parashkollore dhe udhëheqja e sjelljes së fëmijës

Disiplina e ndihmon fëmijën tuaj të mësojë se si të sillet - si dhe si të mos sillet.

Disiplina funksionon më mirë kur keni një marrëdhënie të ngrohtë dhe të dashur me fëmijën tuaj dhe inkurajoni sjellje të mirë - për shembull, duke përdorur rutinat, udhëzimet e qarta dhe shumë lavdërime për sjelljen e mirë.

Rregullat e familjes janë një aspekt kyç i disiplinës për fëmijët e të gjitha moshave. Ata e drejtojnë sjelljen e fëmijëve në mënyra pozitive duke deklaruar saktësisht se çfarë sjelljeje prisni. Por fëmijët parashkollorë ka t’i ngjarë të harrojnë ose të injorojnë rregullat, kështu që ata do të kenë nevojë për mbështetje dhe përkujtime për t’i ndjekur ato.

Pasojat janë një mënyrë e dobishme për ta drejtuar sjelljen e fëmijëve sepse ato ua bëjnë të qartë fëmijëve se çfarë nuk duhet të bëjnë. Ju mund t’i përshtatni pasojat në situata të ndryshme, por pasojat janë gjithmonë më të mirat kur kombinohen me një fokus në sjelljen pozitive të fëmijës suaj.

Ndëshkimi fizik si përplasja nuk i mëson fëmijët se si të sillen dhe mund t’i dëmtojë fëmijët. Gjithashtu mund t’i bëjë fëmijët të kenë frikë nga ju, gjë që e bën më të vështirë t’i mësoni ata se si të sillen mirë.

Sjellja dhe ndjenjat tuaja të fëmijëve parashkollorë

Kur sjellja e fëmijës suaj është sfiduese, ju mund të ndiheni të zemëruar ose të stresuar.

Kujdesi për veten duke ngrënë mirë, duke fjetur mjaftueshëm dhe duke bërë disa aktivitete fizike mund të ndihmojë. Mund të ndihmojë gjithashtu të flisni për ndjenjat tuaja me dikë që i besoni, si partneri juaj, një mik apo doktori juaj.

Kontaktoni një profesionist të shëndetit të fëmijëve nëse keni shqetësime për sjelljen e fëmijës tuaj ose thjesht nuk dini çfarë të bëni në lidhje me të.