Mbi moshës gjashtë mujore, foshnja veç më është shumë e aftë për të bërë biseda dhe dëshiron të përmirësohet më tej, por edhe për t’i përdorë këto aftësi për të njohur botën rreth tij/saj.
Body
|
Për shembull, fëmija do të flasë dhe do të përdorë në mënyrë aktive tinguj të ndryshëm, do të eksplorojë duke bërë tinguj të reja, do ta imitojë ato që bëni ju. Përveç kësaj, fëmija do të përpiqet t’i përdorë aftësitë motorike për t’ju treguar se ju jeni të rëndësishëm për të dhe se ai/ajo ka nevojë për afërsinë tuaj, kontakt me ju, aktivitete të përbashkëta: ai/ajo do të arrijë tek ju, të përpiqet të “arrijë” te ju, të zvarritet pas jush. Në këtë moshë, zakonisht rreth muajit të tetë, foshnja do të manifestojë siklet në kontakt me të huajt dhe mund të protestojë me forcë kur qëndron ose lihet me dikë të panjohur për të. Kjo “frikë nga të huajt” është një moment historik i zakonshëm në zhvillimin emocional të fëmijës dhe është një tjetër tregues se fëmija e percepton marrëdhënien e tij/saj me ju si shumë të rëndësishme dhe të ndryshme nga të gjithë të tjerët.
Ja se çfarë mund të bëni për ta forcuar lidhjen emocionale mes jush në këtë moshë të foshnjës:
- gjithmonë përgjigjuni kur fëmija lëviz drejt jush ose përpiqet të arrijë tek ju. Nëse ju nuk mund të merrni ose puthni atë menjëherë, buzëqeshni dhe flisni me të butësisht (“A do të të përqafoj? Buukuuuuur. Një përqafim po vjen, vetëm më lejo t’i vendos rrobat në lavatriçe”);
- emërtoni - përshkruani me fjalë atë që fëmija përjeton, bën, ndjen. Përsëriteni këto fjalë në mënyrë që fëmija të kuptojë domethënien e tyre (derisa e lani atë, për shembull: “A je duke bërë dush, po! A të pëlqen dushi? “). Duke u njohur me fjalë të reja - emra për gjëra dhe fenomene – e pasuroni fjalorin e fëmijës dhe e ndihmoni ta kuptojë në mënyrë aktive botën rreth tij/saj. Përvoja e të kuptuarit se çfarë po ndjen ose bën fëmija juaj e forcon lidhjen emocionale midis jush;
- përsëritni tingujt që bën foshnja. Tani shumë shpesh do të jenë rrokje (p.sh. ma-ma-ma; ba-ba, etj). Duke përsëritur “fjalët” e tij/saj, ju do ta inkurajoni foshnjën që të vazhdojë të flasë me ju dhe në këtë mënyrë t’i përmirësojë aftësitë e tij/saj të komunikimit. Përvoja e pranimit dhe inkurajimit do ta forcojë lidhjen tuaj;
- luaj kukafshehthi me fëmijën. Fshihni fytyrën prapa duarve tuaja dhe pastaj tregojani fëmijës përsëri duke u buzëqeshur. Kjo do të ndihmojë foshnjën të kuptojë se ju ekzistoni edhe kur ai/ajo nuk mund t’ju shohë.
|
