Kundalik hayotda rivojlanishni ragʻbatlantirish: yangi tugʻilgan chaqaloq

“Ota-onalar uyga yangi tugʻilgan chaqaloq bilan kelganda yoʻliqadigan eng eng katta muammo oilaning yangi tartibiga koʻnikishidir, ayniqsa, birinchi farzand tugʻilganda. Kundalik tartib: kiyim almashtirish, ovqatlantirish, koʻtarish – psixomotor rivojlanishni ragʻbatlantirish uchun imkoniyat.

Kun tartibiga qanday rioya qilasiz?

Yangi tugʻilgan chaqaloq har 2–3 soatda ovqat yeydi, siz kuniga kamida 3 marta taglik almashtirasiz, qusgani sababli koʻylagini almashtirasiz, kekirishi uchun uni mos holatda koʻtarasiz va yigʻlaganda qoʻlingizga olasiz. Bu harakatlarning har biriga kamida 5 daqiqa vaqt ajratasiz. Shunday qilib, bola bilan aloqada boʻladigan vaqtingiz 4 soatgacha choʻzilishi mumkin.

Yangi tugʻilgan chaqaloq bilan kundalik ishlar orqali qanday maʼlumot almashasiz?

Hid

  • bola onasining terisi va sutining hidini his qiladi va biladi;
  • tinchlanish, qulaylik.

Teri bilan aloqa

  • uni tinchlantiradigan chuqur bosim;
  • tana haroratini tartibga solish;
  • yengillik, musht ochilishi;
  • nafas olish ritmini tinchlantirish;
  • tinch uyqu;
  • vazn ortishi nuqtayi nazaridan yaxshiroq rivojlanish.

Oʻzgarish

  • koʻz orqali aloqa qilish, u bilan oʻzaro munosabatda boʻlgan odamning koʻziga qarash;
  • nutqni tinglash, unga sokin ovozda murojaat qilish;
  • tana holatini oʻzgartirish.

Koʻtarib turuvchi

  • chuqur tinchlantiruvchi bosim, taktil tizimini ragʻbatlantirish;
  • bachadondan boshlab tanish boʻlgan, uni koʻtarib yurgan odam tanasining aylanishi uni tinchlantiradi; vestibulyar tizimni ragʻbatlantirish;
  • tana harakati orqali koʻzni kuzatish harakati; vizual tizimni jalb qilish;
  • odamning nutqi tanada u ona qornida eshitgan tebranishni keltirib chiqaradi, eshitish tizimini ragʻbatlantirish.

Choʻmiltirish

  • erkin harakatlanish va motorika sxemalarini oʻrganish;
  • u yotadigan suv teriga bir xil bosim oʻtkazadi, tinchlantiradi;
  • koʻz orqali aloqa qilish, koʻzni kuzatish;
  • choʻmilish paytida bolaning tanasi boʻylab qoʻlni yurgizish, tana sxemasini oʻrganish, chuqur tinchlantiruvchi bosim tufayli qulaylik.

Biz koʻpincha bola barcha sezgi organlari orqali kundalik mashgʻulotlarda oladigan maʼlumotlarning ahamiyati haqida oʻylamaymiz. Bolaning atrofida barcha harakatlarni xotirjam va sekin bajarishga harakat qiling. Unga keyingi ishni tashkillash, tushunish va tayyorlanish uchun vaqt bering. Shunday qilib, siz bolaga kelgusi oʻqishi va rivojlanishi uchun eng maqbul imkoniyatni taqdim etadigan ishonchli muhitni yaratasiz.