Si të përgatitni një vakt të shëndetshëm për një fëmijë!?

Ndërsa planifikoni dhe përgatitni ushqime të shëndetshme për fëmijën tuaj, merrni parasysh disa nga zakonet e dëmshme që kemi të gjithë kur është fjala për të ushqyerit. Kujdesi për ushqimin e fëmijëve është gjithashtu një mundësi për të rishqyrtuar zakonet tuaja dhe për të bërë disa ndryshime pozitive në dietën e familjes.

Përdorni sa më pak kripë të jetë e mundur. Mundohuni të mos shtoni kripë në një pjatë tashmë të përgatitur. Ushqimi i gatshëm dhe i konservuar, si dhe zahiretë e dimrit, përmbajnë shumë kripë. Sasi të vogla të kripës nevojiten në dietë për të siguruar jodin, i cili është i nevojshëm për funksionimin e gjëndrës tiroide.

Sheqeri/ëmbëlsirat duhet gjithashtu të përdoren sa më pak që të jetë e mundur, pasi ato rrisin rrezikun e obezitetit dhe diabetit, si dhe rrezikun e prishjes së dhëmbëve.

Shmangni kaloritë boshe - ushqime që përmbajnë shumë karbohidrate, yndyrna, sheqer dhe kripë dhe nuk kanë përbërës të tjerë të vlefshëm (snacks, patate të skuqura, karamele). Këto ushqime janë të dëmshme, dhe gjithashtu të shtrenjta.

Ushqimi i gatshëm gjithashtu përmban ëmbëlsues artificialë, aditivë që janë të dëmshëm për trupin e njeriut, veçanërisht për zhvillimin e fëmijëve.

Mishi i përpunuar, sidomos ato me çmim më të ulët të tillë si sallame të llojeve të ndryshme, shpesh prodhohen nga mishi me cilësi të ulët me origjinë të panjohur i cili përmban hormone ose antibiotikë, si dhe aditivë. Ata nuk do të na dëmtojnë pas një vakti, por marrja e shpeshtë gjatë disa viteve do të na dëmtojë.

Lexoni me kujdes etiketat dhe deklaratat mbi sendet ushqimore që bleni në treg: afatet e skadencës, përbërjen, origjinën, aditivët e përdorur.