Грудное выкормліванне па-за домам
Дома вы наладзілі рытм груднога выкормлівання з вашым дзіцем, кармленне грудзьмі стала звычайнай справай, і вы пачалі задумвацца аб тым, каб праводзіць больш часу па-за домам. Жаданне падоўжыць час прагулкі або паездкі з сям’ёй, зрабіць пакупкі або наведаць грамадскае месца цалкам натуральна ў перыяд груднога выкормлівання. Мамы і іх дзеці маюць такія ж патрэбы ў вольным часе, сацыяльнай і іншай актыўнасці, што і іншыя людзі. Калі вы выконваеце сучасныя рэкамендацыі і да дасягнення шасцімесячнага ўзросту не корміце дзіця якой-небудзь іншай ежай або вадкасцю, за выключэннем груднога малака, а таксама калі плануеце працягваць грудное выкормліванне нават пасля ўвядзення немалочных прадуктаў, то ў вас так ці інакш узнікне неабходнасць карміць дзіця грудзьмі па-за домам. І калі вы будзеце адчуваць сябе некамфортна, то непазбежна сутыкнецеся са шматлікімі абмежаваннямі ў паўсядзённым жыцці.
Магчыма, раней гэта магло асуджацца грамадскасцю, але ў нашы дні, на шчасце, становіцца сацыяльнай нормай. У шматлікіх супермаркетах, дзіцячых магазінах, гандлёвых цэнтрах ёсць асобнае памяшканне, дзе жанчына можа пакарміць дзіця грудзьмі.
Маці часам могуць бянтэжыцца ці турбавацца з-за магчымых незадаволеных поглядаў ці каментарыяў ад старонніх людзей.
Некалькі парад, як зрабіць грудное выкормліванне ў грамадскіх месцах больш камфортным:
- Вам трэба ведаць свае правы. Грудное выкормліванне ў грамадскіх месцах не супярэчыць заканадаўству Рэспублікі Беларусь. Вы не толькі даяце свайму дзіцяці магчымасць рэалізаваць яго права на самае лепшае харчаванне, але таксама з’яўляецеся станоўчым прыкладам для іншых, фарміруючы стаўленне да груднога выкормлівання як да натуральнага і неабходнага працэсу ў харчаванні дзіцяці.
- Практыкуйцеся перад люстэркам дома: калі вас турбуе, што вы занадта аголены, паглядзіце ў люстэрка, каб пераканацца, што дзіця закрывае большую частку грудзей. Акрамя таго, паспрабуйце падабраць больш прыдатнае адзенне.
- Заўсёды выбірайце адзенне, у якім вам будзе камфортна.
- Выкарыстоўвайце спецыяльны бюстгалтар.
- Выберыце найбольш камфортнае для вас месца. Важныя дзве рэчы: падабраць месца для сядзення са спінкай і як мага менш кантактаваць з іншымі людзьмі.
- Адвярніцеся ў момант прыкладання дзіцяці да грудзей — менавіта тады бачна большая частка вашай скуры; калі дзіця ўжо смокча, яно практычна закрывае грудзі.
- Калі вам некамфортна, то, каб адасобіцца, вы можаце прыкрыць сябе пакрывалам ці пялёнкай, якія бераце для дзіцяці, або шалікам. Паглядзіце на дзіця і дазвольце яму бачыць вас.
- Усміхніцеся дзіцяці!
- Будзьце гатовы да верагоднасці ўзнікнення некаторых сітуацый, калі, напрыклад, вам можа зрабіць заўвагу менеджар рэстарана ці ахоўнік гандлёвага цэнтра. Падрыхтуйце свой адказ загадзя!
Калі вы недастаткова ўпэўнены ў тым, што зможаце карміць дзіця грудзьмі па-за домам, папрасіце партнёра, сябра ці сястру скласці вам кампанію. Падтрымка вітаецца і заўсёды дапамагае. Кармленне дзіцяці грудзьмі ў грамадскіх месцах спрыяе абароне груднога выкормлівання.
