Рэкамендацыі па ўвядзенні дадатковых прадуктаў дзецям на штучным выкормліванні

У пытаннях выбару прадуктаў харчавання, спосабаў прыгатавання ежы, метадаў кармлення і задавальнення патрэб дзіцяці рэкамендацыі па ўвядзенні дадатковых прадуктаў дзецям, якія знаходзяцца на штучным выкормліванні, аналагічныя рэкамендацыям для дзяцей, якія знаходзяцца на грудным выкормліванні. Усім дзецям, старэйшым за шэсць месяцаў, неабходны прыкорм.

Дзецям на штучным выкормліванні неабходна пачынаць уводзіць дадатковае харчаванне крыху раней — з 5-га месяца жыцця (не раней за 17-ы і не пазней за 24-ы тыдзень). Сумесь больш не можа цалкам задаволіць патрэбы немаўляці ў харчаванні, і яно пачынае праяўляць цікавасць да іншых прадуктаў. У 5-месячнага дзіцяці органы стрававання і выдзялення ўжо дастаткова сталыя, як і рухальныя функцыі, што дазваляе карміць яго паўцвёрдай і цвёрдай ежай.

Малако

Сумесь застаецца асноўным прадуктам харчавання дзіцяці на працягу першага года жыцця.
Малочныя прадукты (пітны ёгурт, густы ёгурт, малады сыр) — выдатная крыніца бялку і кальцыю, іх можна даваць дзецям з 7–8 месяцаў.
Дзецям не рэкамендуецца ўжываць каровіна (а таксама авечае і казінае) малако на першым годзе жыцця. Катэгарычна не рэкамендуецца даваць дзіцяці сырое/непастэрызаванае малако.
На працягу другога года жыцця ў штодзённым рацыёне дзіцяці, якое больш не атрымлівае грудное малако або якога кормяць сумессю, павінна быць не менш за дзве порцыі малочных прадуктаў (два кубкі малака/кісламалочнага напітка і да т. п.).
Захоўванне малочных прадуктаў — асабліва важная тэма, паколькі яны лёгка псуюцца і звычайна маюць кароткі тэрмін прыдатнасці.
Напіткі на расліннай аснове (соевае, рысавае або міндальнае малако) не рэкамендуюцца ў якасці асноўнага малака для немаўлят, паколькі яны не задавальняюць патрэб дзяцей у пажыўных рэчывах.

Дзеці ва ўзросце ад 6 да 8 месяцаў

Малым дзецям, якія не атрымліваюць грудное малако, неабходна такая ж колькасць ежы і перакусаў, што і дзецям, якія знаходзяцца на натуральным выкормліванні, плюс адзін прыём ежы і дзве порцыі малочных прадуктаў штодня.
Пасля 6-га месяца прапануйце дзіцяці 2–3 шклянкі вады ў дзень, асабліва ў цёплае надвор’е. Давайце немаўляці кіпячоную астуджаную ваду да дасягнення ім узросту аднаго года.

Дзеці ва ўзросце ад 9 да 11 месяцаў

Малым дзецям, якія не атрымліваюць грудное малако, неабходна такая ж колькасць ежы і перакусаў, што і дзецям на натуральным выкормліванні, плюс два прыёмы ежы і дзве порцыі малочных прадуктаў штодня. Не забывайцеся пра ваду.

Дзеці ва ўзросце ад 12 да 23 месяцаў

Малым дзецям, якія не атрымліваюць грудное малако, неабходна такая ж колькасць ежы і перакусаў, што і дзецям, якія знаходзяцца на натуральным выкормліванні, плюс два прыёмы ежы і дзве порцыі малочных прадуктаў штодня.
Не забывайце пра ваду! Дзіцяці пасля года можна даваць звычайную пітную ваду.
Колькасць ежы, выбар прадуктаў, спосабы іх прыгатавання і рэкамендацыі па кармленні аднолькавыя для дзяцей на штучным і грудным выкормліванні.

Гібкае кармленне

Назірайце за дзіцем і рэагуйце на яго сігналы. Прапануйце дзіцяці чарговую порцыю ежы пасля таго, як яно з’есць папярэднюю. Спыніце кармленне, калі будзе бачна, што дзіця сытае.

Не давайце дзіцяці пюрэ з бутэлечкі з соскай. Такі спосаб кармлення значна павялічвае рызыку спажывання празмернай колькасці калорый, развіцця атлусцення, а калі ў дзіцяці ўжо растуць зубы — то і ўзнікнення карыесу. Выкарыстоўвайце бутэлечку толькі для таго, каб даваць дзіцяці ваду ці сумесь. З 9-га па 12-ы месяц большасць дзяцей ужо могуць самастойна есці і піць з кубка, які трымаюць абедзвюма рукамі. Паспрабуйце спыніць выкарыстанне бутэлечкі і соскі не пазней за першы дзень нараджэння дзіцяці.