У чым важнасць гульняў для дзіцяці

Гульня — гэта найбольш натуральны для дзіцяці спосаб даследаваць і пазнаваць сябе і навакольны свет, набываць і ўдасканальваць разнастайныя навыкі. Яна аказвае станоўчы ўплыў на развіццё маторных і пазнавальных здольнасцей дзіцяці, крэатыўнасці і розных уменняў: узаемадзейнічаць з іншымі, наладжваць сувязі і рабіць высновы пра адносіны паміж рэчамі і істотамі.

Найлепшыя гульні для дзіцяці — неструктураваныя, або свабодныя. У гэтым выпадку гульня адбываецца спантанна і залежыць толькі ад таго, да чаго дзіця праяўляе цікавасць у дадзены момант. Гэта дазваляе яму выкарыстоўваць сваё ўяўленне і адаптаваць асяроддзе пад сябе — у адпаведнасці з уласным тэмпам, інтарэсамі і фарматам даследавання. Калі мы гаворым пра свабодную гульню, часцей за ўсё гэта азначае ўяўныя сцэнарыі і ролевыя гульні (пераапрананне ў касцюмы, гульня ў нешта «не папраўдзе»). Да свабодных гульняў можна аднесці стварэнне шалашоў і да т. п. з коўдраў або скрынак, пабудову горада з каробак, прайграванне музыкі на рэальных або ўяўных інструментах і інш. Дарослыя могуць удзельнічаць ці не ўдзельнічаць у гэтай гульні.

Структураваная гульня — гэта зусім іншае: у ёй ёсць загадзя ўзгодненыя правілы і арганізацыя. Такімі гульнямі часта кіруюць дарослыя (у сем’ях). Прыклады: настольныя гульні, спорт, ролевыя гульні, галаваломкі і да т. п.

Дзіця сталее, і паступова змяняецца тое, як яно гуляе: з'яўляюцца іншыя прыярытэты ў плане цацак, тыпу гульні, удзелу ў ёй аднагодкаў і дарослых і г. д. Па меры росту дзіцяці спатрэбіцца ўсё больш і больш месца для гульняў.

Бацькам важна памятаць, што для дзіцяці гульня — гэта любое даследаванне, камбінаванне, магчымасць па-новаму карыстацца звычайнымі рэчамі, быць кім заўгодна (напрыклад, поварам, касманаўтам), прынамсі кароткі час. З пункту гледжання дзіцяці, гульня — гэта зусім не запланаваная дзейнасць, якая праводзіцца ва ўзгоднены, адведзены час. Дзіця жыве гульнёй і пакарае свет, гуляючы.