Одвлекување на вниманието: алатка за управување со однесувањето на детето

Одвлекување на вниманието како алатка за управување со однесувањето

Одвлекувањето на вниманието е едноставна стратегија што е добра за ситуации кога однесувањето на детето е проблематично. На пример, ова може да биде кога децата:

• стануваат плачливи
• седат мирни долго време
• имаат проблеми со споделување или чекање на ред со други деца.

Посочување на нешто интересно, започнување на едноставна игра, правење смешни фаци - веројатно сте смислиле многу вакви трикови за да го одвлечете вниманието на вашето дете.

Одвлекувањето на вниманието обично функционира. Тоа е одлична опција за управување со однесувањето на вашето дете во многу ситуации.

Совети за одвлекување на вниманието

Еве совети за одвлекување на вниманието што обично функционираат за деца од сите возрасти:

• Дајте им на децата да прават нешто различно. Воведете нова активност, играчка или игра, или покажете им нешто ново што можат да го направат со играчката што веќе ја имаат.
• Променете ја околината. Седнете ги децата таму каде што можат да видат различни работи или преместете ги на ново место во станот/куќата или надвор.
• Размислете однапред. Имајте неколку идеи за забавни активности. Едноставно испланирајте некоја игра надвор кога ќе видите дека на децата им е здодевно дома.
• Пејте заедно неколку песни или рецитирајте. Ова може да биде корисно кога не можете да го прекинете она што го правите, како кога возите или готвите.
• Ако сте излезени, земете забавни играчки или книги што можете да ги извадите кога ви се потребни.
• Како што децата растат, помогнете им да дојдат до сопствени идеи за тоа што може да им го одвлече вниманието:  „Не можеме да одиме во парк уште еден час.  Што можете да направите дома што би било забавно, додека не тргнеме? "

Одвлекувањето на вниманието може да функционира и кај постарите деца. Еве неколку идеи:

• Променете ја темата на разговор.
• Предложете едноставна игра или активност. На пример, предложете им да наредат сложувалка или да играат Не лути се човече ако кажат дека немаат што да прават.
• Предложете пауза кога работите не одат добро. На пример, можете да кажете: „Не ти се допаѓа цртежот. Зошто малку не го повозиш тротинетот? '

Ако чувствувате дека на вашето дете му е здодевно и му треба одвлекување на вниманието, зошто да не го охрабрите вашето дете да излезе со свои идеи? Искористувањето на досадата може да биде одлично за неговата креативност и вештини за решавање проблеми.

Кога не треба да се користи одвлекување на вниманието

Одвлекувањето на вниманието функционира најдобро кога можете да видите дека вашето дете може да направи нешто погрешно или да се вознемири.

Одвлекувањето на вниманието нема да помогне ако вашето дете:

• повредило некого
• е бесно
• многу е вознемирено.

Во вакви ситуации, најдобро е директно да се справите со однесувањето.

На пример, ако вашето дете повредило друго дете, може да им го одвлечете вниманието на двете деца со играчки или активности. Но, ова не му помага на вашето дете да разбере дека не е во ред да ги повредува другите деца. Можеби е подобро да користите тајм-аут, се додека вашето дете е доволно возрасно за да ја разбере оваа последица.

Исто така, обидот да го одвлечете вниманието на вашето дете кога е бесно може да испрати порака дека неговите силни чувства не се важни. Подобро е да се справите со бесот со признавање на чувствата на вашето дете.

Лесно е да се предложи играње на телефон или таблет како одвраќање на вниманието. Ако го направите ова, добро е да бидете јасни за тоа што му дозволувате на вашето дете. На пример, бидете конкретни за тоа со кои апликации може да игра или каква ТВ -емисија може да гледа и колку долго.