Chaqaloq bilan kuchli hissiy aloqani rivojlantirish (3–6 oylik)
3–6 oyligida chaqaloqlar atrofdagi odamlar bilan faol gaplashishga harakat qiladi, lekin ular boshqalarni suhbatga tortish uchun koʻproq oʻz qiziqishlari va boshqalar bilan muloqot qilish xohishini koʻrsatib berishi kerak.
Body
Chaqaloq sizga kulib qaraganda javoban tabassum qilishingizni kutadi. U sizga oʻz tilida guvransa, haqiqatan ham sizdan javob berishingizni va suhbatda qatnashishingizni kutayotgan boʻladi. Agar bunday ehtiyojlarni payqab, ularga javob qaytarsangiz, bola oʻzini xavfsiz his qiladi: siz uni tushunishingizni, kerakli narsani aytib bera olishini va siz uchun muhimligini anglaydi. Shunday qilib, bola siz bilan hissiy aloqani mustahkamlaydi va atrof olamni oʻrganishga va oʻz mahoratini oshirishga tayyor boʻladi.
Bu yoshda chaqaloq bilan hissiy aloqani mustahkamlash uchun quyidagicha yoʻl tuting:
- bir-biringizning koʻzingizga qarash uchun bolani tizzangizga qoʻying. U bilan muloyim gaplashing, mehr bilan qarang va tabassum qiling. Koʻz orqali aloqani uzmang – koʻzlaringizda mehr va tabassum boʻlishi kerak. Bolaning reaksiyasiga jilmayish va soʻzlar bilan javob bering;
- uyda odatiy ishlarni bajarayotganda nima qilayotganingizni chaqaloqqa aytib bering. Ovozingiz ohangi chaqaloqni tinchlantiradi;
- chaqaloq “suhbat qurishga” harakat qilganda – turli tovushlar chiqarib – uni tinglayotganingizni koʻrsating: jilmaying, boshingizni qimirlating, koʻzlaringizni keng oching, unga savollar bering, gapiring, ajablanib qarang. Sizning javobingiz chaqaloqni koʻproq gapirishga undaydi;
- chaqaloq bezovta boʻlganda tinchlanishiga yordam bering. Uni quchoqlang, muloyimlik bilan gaplashing, tinchlantiruvchi musiqa qoʻying.
