Oila imkoniyatiga koʻra ovqatlanish ratsionining xilmaxilligi
Har bir oila oʻz farzandlarining oʻsishi va rivojlanishi uchun eng yaxshi shart-sharoitlarni yaratib berishni xohlaydi. Moliyaviy yoki yashash sharoitlarining yomonligi, oilaning kattaligi yoki kutilmagan va favqulodda vaziyatlar bolalarni zarur oziq-ovqat bilan taʼminlashni va ular uchun taom tayyorlashni qiyinlashtiradi.
Body
Quyida farzandingizni kerakli oziq-ovqat bilan taʼminlash boʻyicha bir nechta tavsiya keltirilgan. Baʼzida bolaning ovqatlanish tartibiga kichik qoʻshimcha kiritish ham unga juda foydali boʻlishi mumkinligini yodda tutish zarur.
- Qaynatilgan va ezilgan sabzavotlardan tayyorlangan taomiga bir choyqoshiq moy qoʻshing.
- A vitamini bolani infeksiyalardan himoyalaydi va koʻrish oʻtkirligining rivojlanishiga ijobiy taʼsir qiladi. Ona sutidan tashqari, u yashil bargli sabzavotlarda (pyurega bir nechta ismaloq bargini qoʻshing), sariq rangli meva yoki sabzavotlarda, tuxum va sut mahsulotlari tarkibida mavjud.
- Dukkakli mahsulotlar yoki tuxumdan tayyorlangan pyure goʻsht oʻrnini bosishi mumkin.
- Bolalar jismoniy va aqliy qobiliyatlarini yaxshilash va kamqonlikning oldini olish uchun temirga boy ovqatlarga muhtoj. Temirning eng yaxshi manbalari hayvon mahsulotlari – tuxum, goʻsht, jigar va baliqlar hisoblanadi. Yetarli miqdorda temir moddasi qabul qilinishini taʼminlashning yana bir usuli – temirga boy oziq-ovqatlardir (qoʻshimcha yoki sunʼiy ovqatlantirilayotgan bolalar uchun boʻtqa yoki sutli aralashmalar).
- Bolaga kuniga kamida ikki marta yangi pishirilgan taom bering, qolgan ovqatlar quruq va yengil boʻlishi mumkin – meva, non, pechenye, banan. Xavfsiz oziq-ovqat tayyorlash va saqlash / bolani ovqatlantirishda xavfsizlikka rioya qilish muhim.
- Ona suti ham mukammal “tez” taom hisoblanadi.
Agar moliyaviy yoki boshqa yordamga muhtoj boʻlsangiz, hududiy mahalla fuqarolar yigʻiniga murojaat qiling.
Agar sizga tibbiy maslahat kerak boʻlsa, pediatrga murojaat qiling.
