Бяспека ў інтэрнэце: дзеці ва ўзросце 3–5 гадоў

Чаму бяспека ў інтэрнэце мае такое важнае значэнне

Дзецям дашкольнага ўзросту падабаецца заходзіць у інтэрнэт, каб паглядзець відэаролікі ці пагуляць у гульні. Яны могуць рабіць гэта пры дапамозе камп’ютараў, мабільных тэлефонаў, планшэтаў, тэлевізараў і іншых устройстваў.

Для дашкольнікаў існуюць пагрозы іх бяспецы ў інтэрнэце, хоць яны не будуць падвяргацца такой жа рызыцы, як дзеці больш старэйшага ўзросту, таму што яны з меншай верагоднасцю стануць карыстацца інтэрнэтам самастойна.

Вы можаце абараніць сваё дзіця ад небяспечнага ці непрымальнага кантэнту і дзеянняў, калі будзеце прымяняць практычныя меры. А ваша дзіця зможа бяспечна карыстацца інтэрнэтам, які дае прастору для навучання, даследавання, творчасці і зносін з сям’ёй і сябрамі.

Пагрозы бяспецы ў інтэрнэце для дзяцей дашкольнага ўзросту

Існуюць тры асноўныя віды пагроз бяспецы для дзяцей у інтэрнэце:

• Пагрозы, звязаныя з кантэнтам: да такіх пагроз адносіцца кантэнт, які можа выклікаць у дзяцей смутак, агіду ці пачуццё дыскамфорту. Напрыклад, парнаграфія, гвалт, паказ жорсткага абыходжання з жывёламі або змест, прызначаны для дзяцей больш старэйшага ўзросту.
• Пагрозы, звязаныя з кантактамі: да такіх пагроз адносіцца ўступленне дзяцей у кантакт з людзьмі, якіх яны не ведаюць. Напрыклад, дзіця можа скарыстацца дадаткам для зносін і кантактаваць з незнаёмцам.
• Пагрозы, звязаныя з дзеяннямі: да такіх пагроз адносяцца дзеянні дзяцей, якія могуць нанесці шкоду іншым. Напрыклад, дзіця можа знішчыць гульню, якую стварыў яго сябар, брат ці сястра. Яшчэ адной пагрозай, звязанай з дзеяннямі, з’яўляецца выпадковае ажыццяўленне пакупак у дадатку.

Як абараніць сваё дзіця ў інтэрнэце: парады

Вы адыгрываеце ключавую ролю ў скарачэнні колькасці пагроз, якім ваша дзіця падвяргаецца ў інтэрнэце. Вы можаце многа зрабіць на практыцы, каб дапамагчы свайму дзіцяці дашкольнага ўзросту заставацца ў бяспецы, пакуль яно знаходзіцца ў сеціве.

Вось некалькі падказак:

• Выкарыстоўвайце лічбавыя ўстройствы і інтэрнэт разам са сваім дзіцем або пераканайцеся, што вы знаходзіцеся побач і ў курсе таго, што робіць ваша дзіця. Такім чынам, вы зможаце хутка зрэагаваць, калі яно засмуціцца або будзе занепакоена тым, што ўбачыла.
• Стварыце графік выкарыстання сродкаў камунікацыі. У ім вы можаце ўлічыць такія моманты, як свабодныя ад гаджэтаў зоны ў сябе дома, правілы бяспекі ў інтэрнэце, якія ўключаюць у сябе забарону на раскрыццё асабістай інфармацыі, а таксама праграмы, гульні і дадаткі, дазволеныя для выкарыстання вашаму дзіцяці.
• Выкарыстоўвайце адаптаваныя для дзяцей пошукавыя сістэмы, такія як Kiddle, ці пастаўшчыкоў кантэнту, такіх як ABC Kids, CBeebies, YouTube Kids або KIDOZ.
• Правярайце, каб гульні, вэб-сайты і тэлепраграмы падыходзілі для вашага дзіцяці. З аглядамі вы можаце пазнаёміцца на Common Sense Media.
• Пераканайцеся, што старэйшыя браты і сёстры выконваюць вашы правілы бяспекі ў інтэрнэце, калі выходзяць у сетку разам з малодшымі. Такія правілы могуць уключаць у сябе дазвол на прагляд толькі адпаведных узросту праграм.
• Стварыце папку з закладкамі для любімых дадаткаў або вэб-сайтаў вашага дзіцяці, каб яно магло лёгка іх знаходзіць. Вы можаце ствараць папкі і закладкі на ўсіх устройствах, якімі карыстаецца ваша дзіця.
• Правярайце настройкі канфідэнцыяльнасці, выкарыстоўвайце бацькоўскі кантроль, заблакіруйце пакупкі ў дадатку, а таксама адключыце на сваіх прыладах спосабы аплаты ў адзін клік і службы вызначэння месцазнаходжання.
• Даведайцеся, як падаваць скаргі на непрыстойны кантэнт у інтэрнэце.

Па меры таго, як ваша дзіця сталее, становіцца больш упэўненым і пачынае самастойна карыстацца інтэрнэтам, вам будзе неабходна перагледзець свае стратэгіі. У нашым артыкуле пра бяспеку ў інтэрнэце для дзяцей 6–8 гадоў таксама прыведзены адпаведныя парады.

Навучанне бяспечным і адказным паводзінам у інтэрнэце

Вы можаце дапамагчы свайму дзіцяці навучыцца карыстацца лічбавымі сродкамі камунікацыі і інтэрнэтам бяспечна, адказна і з задавальненнем. Калі вы навучыце сваё дзіця таму, як самастойна кіраваць рызыкай, звязанай з бяспекай у інтэрнэце, і правілам паводзін у трывожных сітуацыях, то яно зможа павысіць сваю ўстойлівасць да лічбавых пагроз. Дзіця набудзе здольнасць спраўляцца з любымі пагрозамі, з якімі даводзіцца сутыкацца ў сеціве, і станоўча на іх рэагаваць.

Вы можаце дасягнуць гэтага, калі будзеце:

• выходзіць у інтэрнэт разам са сваім дзіцем;
• служыць добрым прыкладам для пераймання;
• вучыць сваё дзіця таму, які кантэнт з’яўляецца добрым, а які — дрэнным;
• вучыць дзіця рабіць пакупкі ў дадатках.

Выходзьце ў інтэрнэт разам з дзіцем

Ваша дзіця атрымае больш карысці ад знаходжання ў сеціве, калі вы будзеце глядзець відэа ці гуляць разам з ім. Вы можаце:

• прапанаваць паказаць вам вясёлыя ці цікавыя вэб-сайты;
• папрасіць дзіця паказаць вам, як гуляць у дадатак або гульню, у якую яно гуляе;
• пагаварыць пра відэаролікі, якія глядзіць дзіця.

Калі вы лічыце, што дадатак або відэаролік з'яўляюцца непрыдатнымі, вы можаце сказаць: «Гэта для старэйшых. Давай пашукаем што-небудзь іншае». Затым дапамажыце свайму дзіцяці знайсці тое, што падыходзіць яму па ўзросце.

Будзьце прыкладам для пераймання

Ваша дзіця вучыцца ў вас. Гэта значыць, што вы можаце стварыць мадэль бяспечнага і разумнага знаходжання ў сеціве, калі будзеце карыстацца лічбавымі сродкамі камунікацыі такім чынам, як вы хацелі б, каб ваша дзіця выкарыстоўвала іх зараз і ў будучыні. Напрыклад, вы можаце не карыстацца падключанымі да інтэрнэту ўстройствамі ў спальні.

Таксама карысна даведацца, як бабулі, дзядулі і іншыя людзі ў жыцці вашага дзіцяці выкарыстоўваюць інтэрнэт, і паспрабаваць выпрацаваць з імі аднолькавы і бяспечны падыход.

Расказвайце дзіцяці пра добры і дрэнны кантэнт

Вы можаце растлумачыць свайму дзіцяці, што ў інтэрнэце ёсць добры і дрэнны кантэнт, у тым ліку непраўдзівы. Заклікайце сваё дзіця гаварыць з вамі, калі яно бачыць нешта, што яго засмучае, палохае ці трывожыць. Напрыклад, вы можаце сказаць: «Некаторыя відэаролікі ў інтэрнэце могуць цябе засмуціць ці напалохаць. Раскажы мне, калі ўбачыш нешта, што цябе напужае ці расстроіць».

Раскажыце свайму дзіцяці пра пакупкі ў дадатках

У многіх гульнях і дадатках ёсць магчымасць рабіць пакупкі, якая прадугледжана для такіх рэчаў, як касцюмы персанажаў і новыя ўзроўні. Вы можаце пагаварыць пра гэта са сваім дзіцем, напрыклад, сказаць нешта накшталт: «Людзі выкарыстоўваюць інтэрнэт, каб зарабляць грошы, і нам трэба быць асцярожнымі, каб памылкова не аддаць ім нашыя грошы. Калі на экране нешта з’яўляецца, не націскай на гэта. Падыдзі і раскажы мне».

Нічога страшнага, калі вашы правілы адрозніваюцца ад правілаў у іншых сем’ях. Калі вы добра абдумалі іх і задаволены тым, як яны працуюць, вы дапамагаеце свайму дзіцяці бяспечна знаходзіцца ў інтэрнэце.