Стекнување навики за тоалет: практичен водич

Помагањето на вашето дете да научи да користи нокшир или тоалет е голем и многу возбудлив чекор за вас двајцата. Ако останете позитивни и мирни, детето најверојатно побрзо ќе стеекне навики. Тајната е да се чекаат знаци дека вашето дете е подготвено за користење на тоалет.

Обука за тоалет: знаци дека вашето дете е подготвено

Може да видите знаци дека вашето дете е подготвено за обука за тоалет од околу две години натаму. Некои деца покажуваат знаци дека се подготвени уште 18 месеци, а некои после две години.

Вашето дете покажува знаци дека е подготвено доколку:

оди само и може да седи кратки временски периоди
генерално станува понезависно кога станува збор за завршување на задачите, вклучително и почесто велејќи “не”
се интересира да ги гледа другите кога одат во тоалет — ова може да ве натера да се чувствувате непријатно, но тоа е добар начин детето да ги запознае работите
има сува пелена до два часа - ова покажува дека детето може да складира урина во мочниот меур (што автоматски се празни кај помалите бебиња или новороденчиња)
да ви каже со зборови или гестови кога какаат или мократ во својата пелена - ако може да ви каже пред тоа да се случи, детето е подготвено за користење на тоалет
почнува да не сака да носи пелена, и ќе се обидува да ја извлече кога е влажна или извалкана
има редовни, меки, формирани движења на дебелото црево
може да ги повлече панталоните нагоре и надолу
може да следи едноставни инструкции како “Дај ја топката на тато”
покажува разбирање за работите кои имаат свое место околу домот.

Ако размислувате да почнете со користење на тоалет, можеби ќе сакате да го видите и нашиот водич за обука за тоалет со слики. Можете дури и може да го испечатите и да се потсетувате на советите.

Подготовка за користење на тоалет

Ако мислите дека вашето дете покажува знаци дека е подготвено, првиот чекор е да одлучите дали сакате да тренирате со помош на нокшир или тоалет.

Постојат некои предности за користење на нокшир - подвижен е и изгледа „познато“, а некои деца сметаат дека е помалку страшно од тоалет. Обидете се да дознаете што сака вашето дете и почнете со тоа. Некои родители го охрабруваат своето дете да користи и нокшир и тоалет.

Второ, бидете сигурни дека ја имате целата вистинска опрема. На пример, ако детето го користи тоалетот, ќе ви треба скаличка за вашето дете да застане. Исто така, ќе ви треба адаптер за отворот кој безбедно се вклопува во постојниот тоалет, бидејќи некои деца се плашат дека ќе пропаднат.

Трето, најдобро е да планирате стекнување на навики за тоалет во време кога не се случуваат големи промени во вашиот семеен живот. Промените може да вклучуваат одење на одмор, почеток во градинка, имате ново бебе или преселба во нов стан. Добра идеја е да се планира да се започне пред или по овие промени.

Исто така, стекнувањето на навики може да оди подобро ако имате редовна дневна рутина. На овој начин, новата активност на користење на тоалет или нокшир може да се вклопи во вашата нормална рутина.

Еве неколку совети за подготвување:

Научете го детето некои зборови за одење во тоалет - на пример, “ми се мочка”, и “морам да одам”.
Кога му ја менувате пелената на дете, ставете ги влажните и валкани пелени во нокширот - ова може да му помогне на детето да разбере за што служи.
Дозволете му на детето да се обиде да седи на нокшир или во тоалет за да се запознае со новата опрема.
Дозволете му на детето да ве гледа вас или другите членови на семејството кога го користите тоалетот и да разговарате за она што го правите.
Еднаш или два пати на ден можеби ќе сакате да почнете да му облекувате најлонски гаќи. Ова му помага на детето да го разбере чувството на влажност.
Бидете сигурни дека детето јаде многу влакна и пие многу вода, за да нема запек. Запекот може да го направи одењето во тоалет потежок.

Откако ќе започнете, развивањето на навикит може да трае со денови, недели или месеци. Клучот е да не му помагате на детето, оставете го нека учи со сопствено темпо. Со тек на време ќе се навикне. Доколку детето не соработува или изгледа незаинтересирано токму сега, само почекајте додека самото не посака да се обиде повторно.

Започнување со користење на тоалет

Добра идеја е да започнете со користење на тоалет на ден кога немате планови да ја напуштите куќата. Советите подолу можат да помогнат кога ќе пристигне големиот ден.

Тајминг

Седнете го вашето дете на нокшир во моменти кога најчесто ја полни пелената, како на пример 30 минути по јадење или по бањање. Ова не функционира за сите деца - вистинската обука започнува кога детето е свесно што прави и е заинтересирано да го научи процесот.
Внимавајте на знаци дека вашето дете треба да оди во тоалет. Таквите знаци вклучуваат промени во држењето на телото, испуштање гасови, е тивко или оди самото во друга просторија.
Ако вашето дете не изврши нужда 3-5 минути откако седнало на нокшир или тоалет, кренете го. Најдобро е да не го терате да седи на тоалет подолго време, бидејќи ќе го почувствува како казна.

Поттикнување и потсетување на вашето дете

Пофалете го вашето дете за обидот (дури и ако напредокот е бавен), особено кога обидите се успешни. Може да се каже, “Браво што седна на нокширот”. Ова му овозможува на детето да дознае дека прави добра работа. Постепено намалувајте ги пофалбите како што детето го совладува секој дел од процесот.
Во различни фази во текот на денот (но не премногу често), прашајте го вашето дете дали сака да оди во тоалет. Нежни потсетници се доволни - најдобро е детето да не чувствува притисок.
Ако детето повторно ја извалка пелената, обидете се да не се фрустрирате. Децата обично не го прават тоа намерно, па само исчистете без никакви коментари или викање.

Панталони и облека

Престанете да користите пелени (освен во текот на ноќта и во текот на денот кога детето спие). Започнете со користење на најлонски гаќи. Можете дури и да дозволите детето да избере некои гаќи, што може да биде возбудлив чекор.
Облечете го детето во облека која е лесна за соблекување - на пример, панталони со ластик, наместо едноделни панталони. Во потопли временски услови, оставете го детето само по гаќи кога сте дома.

Хигиена

Бришете ја гениталната регија на детето се додека тоаа не научи како да се брише сам/а. Не заборавајте да бришете од предната страна кон задниот дел, особено кај девојчиња
Научете го детето како да ги миете рацете по користење на тоалетот. Ова може да биде забавна активност во која детето ќе ужива како дел од рутината.

Често, децата имаат 3-4 години пред да престанат да мократ ноќе. Едно од 5 петгодишни и 1 од 10 шестгодишни деца сè уште користат пелени преку ноќ. Ноќното мокрење е многу честа појава кај децата на училишна возраст. Ако вашето дете мокри ноќе, има работи што можете да ги направите во врска со тоа кога вие и вашето дете сте подготвени.

Одење надвор додека трае стекнувањето на навики

Полесно е да останете дома неколку дена кога ќе започнете, но веројатно ќе треба да излезете во некоја фаза.

Каде и да одите, добра идеја е да проверите каде е најблискиот тоалет. Ако одите во локален трговски центар, прашајте го вашето дете дали треба да оди во тоалет кога ќе стигнете таму. Ова може да помогне вашето дете да се запознае со новата област.

Најдобро е да понесете резервни гаќи и облека за детето кога сте надвор, додека вашето дете се уште не е многу сигурно во одење во тоалет. Исто така е добра идеја да носите пластични кеси за влажна или извалкана облека.

Ако вашето дете оди во градинка или во куќи на пријатели или роднини без вас, дозволете им на луѓето да знаат почнало да користи тоалет. На овој начин тие можат да му помогнат на да го користи тоалетот или нокширот на начин на кој го правите дома.

Неуспеси и несреќи додека се стекнуваат навики

За учење за користење на тоалет и стекнување навики е потребно време. Можете да очекувате несреќи и неуспеси - сите се само дел од процесот.

Ако вашето дете се вознемири заради тоа што заборавило да ви каже дека му се оди во тоалет, уверете го вашето дете дека не е важно и нема потреба да се грижи.

Еве идеи кои ќе помогнат да се избегнат „несреќи“:

Обрнете внимание ако вашето дете вели дека му треба тоалет веднаш. Најчесто се во право!
Ако сте сигурни дека вашето дете не било во тоалет некое време, потсетете го да оди. Детето може да биде толку занесено во она што го прави што не сфаќа дека треба да оди се додека не биде премногу доцна.
Проверете дали детето сака да оди во тоалет за време на долго играње или пред прошетка. Ако не сака да оди, тоа е во ред.
Обидете се нокширот или тоалетот се секогаш лесно достапни за употреба.
Замолете го вашето дете да оди во тоалет непосредно пред спиење.

Обидете се да останете смирени ако се чини дека стекнувањето на навики трае подолго отколку што очекувате. Останете позитивни за достигнувањата на вашето дете. Премногу напнатост или стрес може да доведе до негативни чувства и може да резултира со избегнување на одење во тоалет.