6 oydan soʻng tungi emizish
Dastlabki kunlarda va hatto haftalarda chaqaloq emizish va uxlashning belgilangan maromiga ega emas; faollik holatlari va uyqu doimiy ravishda almashib turadi, umumiy kunlik uyqu vaqti oydan oyga kamayib boradi. Tez-tez koʻkrak suti bilan boqish koʻkrakda barqaror sut ishlab chiqarishni va uning boʻshatilishini taʼminlaydi.
Birinchi haftalarda sut ishlab chiqarish gormoni – prolaktin tunda koʻp ajralib chiqishi eng yuqori koʻrsatkichga ega. Yangi tugʻilgan chaqaloqning oshqozoni kichik va koʻp miqdordagi sutni ema olmaydi. Oʻziga xos tarkibi tufayli ona suti tez hazm boʻladi, shuning uchun bola tez-tez emishni xohlaydi. Tungi emizish orqali yangi tugʻilgan chaqaloq kunlik kerakli quvvatning uchdan bir qismini oladi.
Farzandingizni 6 oylikdan soʻng tungi ovqat uchun uygʻotishingiz kerakmi?
Yangi tugʻilgan chaqalogʻingiz juda uyquchan boʻlishi mumkin, u ovqatlanish uchun yetarli darajada uygʻonmaydi va yetarli oziq-ovqat olmaydi. Bu xuddi bir-birini tortadigan gʻildiraklarga oʻxshaydi – chaqaloq qancha kam ovqatlansa, shuncha uyquchan boʻlib qoladi. Hayotning dastlabki 6 haftasida chaqaloqlar kuniga kamida 10–12 marta koʻkrak sutini emishlari kerak.
Agar chaqaloq kun davomida juda koʻp uxlayotgan boʻlsa, uxlash uchun qulay sharoit yaratmang (sukunat, qorongʻi xona). Ochlikning birinchi belgilarini sezishingiz ovqatlanish vaqti kelganini anglatadi. Bu davrda yaxshi rivoljanish belgilarini kuzatib borish va bolaning vaznini tez-tez oʻlchash muhimdir.
Hayotining 6 oyidan soʻng bolaning tungi uyqusini qanday uzaytirish mumkin?
Farzandingizning tungi uyqusini uzaytirish va tungi ovqatlanish sonini kamaytirish boʻyicha baʼzi maslahatlar:
- Tez-tez emizing; kun davomida va kechqurun emizishalr sonini oshirishga harakat qiling; bu bolaga tunda emizmasdan, kun davomida yetarli miqdorda quvvat olish imkonini beradi.
- Bolaning faol holatda boʻlish vaqtini asta-sekin oshiring; chaqaloqni choʻmiltiring va kechqurun u bilan oʻynang, shunday qilib, asta-sekin uning uxlash tartibini boshqaring.
- Agar bola uxlagandan keyin uxlashga yotadigan boʻlsangiz, uxlashdan oldin emizishga harakat qiling. Aksariyat chaqaloqlar biroz emib, soʻng yana uxlab qoladi.
- Agar bola emish uchun kechasi uygʻonsa, uni tinch, qorongʻi xonada emizing. Agar uning tagi juda hoʻl boʻlmasa va toshmasi boʻlmasa, taglikni almashtirmang. Emizishdan soʻng chaqaloqni toʻshagiga yotqizib qoʻying; bola siz bilan uxlashi xavfsiz emas!
Hayotining 6 oyidan soʻng tungi emizishni bosqichma-bosqich toʻxtatish
Bolani uxlatish uchun ovqatlantirishdan foydalanmaslikka harakat qiling; agar shunday qilsangiz, keyinchalik u oʻz-oʻzidan uxlab qolishni xohlamaydi. Har kuni uxlashdan oldin oʻtkaziladigan tungi harakat bolaning odat tusiga kiradi. Agar bola kun davomida yetarlicha oziq-ovqat olishiga ishonchingiz komil boʻlsa, 6 oydan katta bolaga tungi ovqat berishni toʻxtatishga harakat qiling.
Tungi emizishni toʻxtatishning yengil oʻtishini taʼminlash boʻyicha maslahatlar:
- Agar farzandingiz kechalari kam vaqt (5 minutdan kam) koʻkrak emsa, bolangizni bu vaqtda emizish oʻrniga har kuni bajaradigan boshqa usullar (alla aytish, qoʻlga olib yengil chayqatish) bilan almashtiring. Bola ushbu yangi tartibga oʻrganishi uchun bir necha tun oʻtishi kerak boʻladi. Sabr qiling.
- Agar tungi ovqatlanish hali ham biroz koʻproq davom etsa va kunduzgi ovqat bilan bir xil boʻlsa, 5 minutdan ortiq, 5–7 tun davomida ovqatlanish vaqtini asta-sekin qisqartirishingiz mumkin.
- Bola kechasi uygʻonishining koʻplab sabablari bor. Kechasi uygʻonishdan charchagan boʻlsangiz, koʻpincha odat boʻyicha koʻkrakni chiqarib bolaga taklif qilasiz va chaqaloqqa qulay emish odati rivojlanadi. Dastlab uni boshqa yoʻl bilan tinchlantirishga harakat qiling. Koʻp hollarda, uygʻonishning sababi qulaylikka zarurat boʻladi, baʼzan koʻkrak taklif qilinmaguncha u tinchimaydi.
- Boshqa usul ham bor – otaga bolani koʻtartirib, uni tinchlantirishni iltimos qilish.
Hayotining 6 oyidan soʻng tungi emizishni asta-sekin toʻxtatish kerakmi yoki yoʻq?
Har bir bola oʻzgacha. Baʼzilar toʻrt oylikda, baʼzilari esa ikki yoshda tunda ovqatlanishni toʻxtatadi. Farzandingiz tungi ovqatga muhtoj boʻlmaganda va rivojlanish darajasi yetarli boʻlganda tunda uygʻonishni toʻxtatadi. Siz chaqalogʻingizning talablarini eʼtiborga olishingiz va tunda ovqatlanishni toʻxtatish vaqti qachon ekanini his qilishingiz zarur.
Bosqichma-bosqich voz kechish ham ota-onalarga bogʻliq; agar kechasi bir yoki bir necha marta uygʻonishdan charchagan boʻlsangiz, chaqaloq sogʻlom va yaxshi rivojlanayotgan boʻlsa, 6 oydan keyin tungi ovqatlanishni toʻxtatishga harakat qiling.
Tungi emizishni farzandingiz uchun meʼyoriy rivojlanish bosqichi yoki muammo deb hisoblashingiz siz kutayotgan natijaga bogʻliq. Farzandingizni, uning ehtiyojlarini va istaklarini bilib olmaguningizcha, kutib turing.
