Кармленне грудзьмі ў начны час

У першыя дні ці нават тыдні жыцця ў дзіцяці няма наладжанага рэжыму кармлення і сну; перыяды няспання і сну ўвесь час чаргуюцца, пры гэтым па меры сталення дзіцяці агульная сутачная працягласць яго сну паступова памяншаецца. Частае кармленне грудзьмі першапачаткова забяспечвае стабільную выпрацоўку малака малочнымі залозамі і іх апаражненне.

У першыя тыдні сэкрэцыя пралакціна — галоўнага гармону, які адказвае за «вытворчасць» малака, — найбольш высокая ў начны час. Аб’ёму страўніка нованароджанага дзіцяці недастаткова для таго, каб змясціць вялікую колькасць малака. Дзякуючы свайму складу грудное малако хутка пераварваецца, і дзіця неўзабаве зноў мае патрэбу ў харчаванні. Пры начным кармленні немаўля атрымлівае трэцюю частку ад агульнай сутачнай нормы калорый.

Ці трэба будзіць дзіця для начнога кармлення

Нованароджанае дзіця можа быць настолькі санлівым, што не прачынаецца дастаткова часта для прыёму ежы, пры гэтым можа недаатрымліваць неабходны аб’ём ежы. Гэта можа ператварыцца ў замкнёнае кола — чым менш кормяць дзіця, тым больш сонным яно становіцца. У першыя шэсць тыдняў жыцця дзіцяці неабходна 8–12 кармленняў грудзьмі на дзень.

Калі дзіця многа спіць днём, не стварайце ідэальных умоў для сну (цішыня, прыцемнены пакой). Як толькі вы заўважылі першыя прыкметы голаду, варта адразу карміць. У гэты перыяд важна сачыць за прыкметамі добрага самаадчування і часцей правяраць вагу дзіцяці.

Калі ваша дзіця здаровае, яму ўжо больш за шэсць тыдняў і яно набрала дастаткова вагі, няма неабходнасці будзіць яго для кармлення грудзьмі ў начны час, калі толькі вы не адчуеце моцнае напружанне і перапаўненне малочных залоз.

Як падоўжыць начны сон дзіцяці

Вось некалькі парад, як падоўжыць начны сон вашага дзіцяці і скараціць колькасць начных прыёмаў ежы:

• Часцей карміце грудзьмі днём. Паспрабуйце павялічыць частату кармленняў грудзьмі днём і рана ўвечары — гэта дазваляе дзіцяці атрымліваць дастатковую колькасць калорый на працягу дня і пазбаўляе ад неабходнасці начнога прыёму ежы. Гэта з’яўляецца адной з прычын, па якіх ён/яна прачынаецца ноччу.
• Патупова павялічвайце час актыўнасці дзіцяці; купайце яго і гуляйце з ім увечары, рэгулюючы рэжым няспання і сну.
• Калі вы кладзяцеся спаць праз некалькі гадзін пасля таго, як засне ваша дзіця, паспрабуйце карміць яго/яе перад гэтым яшчэ раз. Большасць немаўлят крыху смокчуць грудзі, а затым зноў засынаюць.
• Калі дзіця прачынаецца ноччу для кармлення грудзьмі, карміце яго/яе ў ціхім прыцемненым пакоі. Не турбуйце дзіця лішні раз зменай падгузніка, калі ў гэтым няма вострай неабходнасці.

У мэтах бяспекі пасля кармлення варта пакласці дзіця назад у яго ложак.

Паэтапнае адмаўленне ад начнога кармлення

Пры ўкладванні дзіцяці спаць старайцеся не звяртацца да кармлення; гэтым вы можаце сфарміраваць у яго звычку засынаць толькі пры кармленні. Пастаяннае прысутнасць малака і іншых цукраў у поласці рота ў начны час прыводзіць да разбурэння зубоў, якія прарэзваюцца, з аддаленымі наступствамі. Кожны рытуал перад сном фарміруе звычку, без якой дзіця не засне. Калі вы ўпэўнены, што яно атрымлівае дастаткова ежы на працягу дня, паступовае скарачэнне начных кармленняў пасля шасці месяцаў адбудзецца натуральным чынам.

Вось некалькі парад, як зрабіць гэты пераход менш рэзкім:

• Калі ваша дзіця нядоўга смокча грудзі ноччу (менш за 5 хвілін), паспрабуйце альтэрнатыўна начным кармленням супакойваць яго якім-небудзь іншым спосабам, які вы выкарыстоўваеце штодня (пагладжванне, спевы і г. д.). Дзіцяці можа спатрэбіцца некалькі начэй, каб прывыкнуць да гэтага новага распарадку. Набярыцеся цярпення.
• Калі начны прыём ежы па працягласці роўны дзённаму (больш за 5 хвілін), можна паступова скарачаць час начнога прыёму ежы на працягу 5–7 начэй.
• Патрэба ў харчаванні не адзіная прычына, па якой дзіця можа прачынацца ноччу. Паколькі вас ужо досыць стаміла абуджэнне па начах, вы можаце па прывычцы адразу прапаноўваць грудзі, так і ў дзіцяці фарміруецца звычка да камфортнага непажыўнага смактання. Часам дзіця можа заставацца няўцешным, пакуль вы не прапануеце грудзі. Спачатку паспрабуйце супакоіць яго іншым спосабам. У большасці выпадкаў, калі прычынай абуджэння становіцца патрэба ў камфорце, вы можаце супакоіць дзіця, не прапануючы грудзі.
• У перыяд паступовага адмаўлення ад начных кармленняў вельмі важна падтрымка і дапамога бацькі дзіцяці: ён можа ўзяць дзіця на рукі і супакоіць, калі яно прачынаецца ноччу.

Ці трэба спыняць кармленне грудзьмі ў начны час

Кожнае дзіця індывідуальна. Некаторыя адмаўляюцца ад начнога кармлення ў чатыры месяцы, а некаторыя — у два гады. Ваша дзіця перастане прачынацца па начах, калі не будзе мець патрэбу ў начным кармленні і будзе гатовы да гэтага па сваім развіцці.

Важна, каб вы прыслухоўваліся да патрабаванняў вашага дзіцяці і адчулі, калі наступіць ідэальны час, каб спыніць кармленне па начах.

Паэтапнае адмаўленне таксама залежыць ад бацькоў: калі вы стаміліся прачынацца адзін ці некалькі разоў кожную ноч, вы можаце паспрабаваць паступовае спыненне начных кармленняў ужо пасля шостага месяца, калі дзіця здаровае і добра сябе адчувае.

Як вы будзеце разглядаць грудное выкормліванне ў начны час – як нармальную фазу развіцця вашага дзіцяці або як праблему, – залежыць ад вашых чаканняў. Пачакайце, пакуль не вывучыце сваё дзіця, яго патрэбы і жаданні.

Калі ў вас ёсць пытанні, дылемы ці сумненні з нагоды груднога выкормлівання, вам трэба звярнуцца ў добразычлівую да дзіцяці бальніцу да спецыялістаў, якія кансультуюць па пытаннях груднога выкормлівання; вам акажуць прафесійную дапамогу, дадуць рэкамендацыі, а таксама падтрымаюць і супакояць.