Vëmendja pozitive - mjet për përmirësimin e sjelljes

Kujdesi dhe sjellja e fëmijës suaj

Vëmendja juaj është një shpërblim i madh për fëmijën. Nëse fëmija sillet në një mënyrë të veçantë dhe ju tërheq vëmendjen, ka të ngjarë që ai/ajo të sillet përsëri në të njëjtën mënyrë.

Kur i kushtoni vëmendje sjelljes së mirë, kjo i tregon fëmijës se kjo mënyrë sjellje do të ketë interes pozitiv. Kjo do të thotë se mund të përdorësh vëmendjen për të inkurajuar sjelljen që ju dëshironi.

Kur filloni t’i kushtoni vëmendje sjelljes së mirë, mund ta kuptoni se sa shpesh fëmija tashmë sillet mirë. Gjithashtu, mund të fillosh të ndihesh më pozitiv/e, sepse je më i/e përqendruar në sjelljen e mirë të fëmijës sesa në sjelljen e tij/saj të vështirë. Derisa fëmija i përgjigjet gjithnjë e më shumë vëmendjes tënde pozitive, mund të kesh më pak sjellje sfiduese për t'i përballuar.

Vëmendje pozitive është edhe të manifestosh kënaqësi te fëmija dhe ngrohtësi në marrëdhënien tuaj. Kjo e ndihmon fëmijën të ndihet i sigurt dhe i dashur, gjë që është e rëndësishme për zhvillimin e tij/saj të përgjithshëm.

Përdorimi i vëmendjes për të përmirësuar sjelljen

Vëmendja pozitive ndaj sjelljes së fëmijës do të thotë që t'i kushtoni vëmendje sjelljes së fëmijës dhe të përfitoni nga situatat që fëmija është në humor të mirë dhe ta lavdëroni atë. Kjo do të thotë të merresh me atë që po bën fëmija dhe t’ia bësh me dije se jeni të kënaqur nga sjellja e tij/saj dhe po bëjnë gjënë e duhur.

Ka shumë mënyra që mund t’ju ndihmojnë si ti kushtoni një vëmendje të tillë:

• lavdërime - për shembull, “Ndarje e mirë, Lola”
• inkurajimi – për shembull, “Vazhdo të përpiqesh, Lavdërim”
• dashuri fizike ose gjeste – për shembull përqafime dhe përkëdhelje, ose miratimi me “gishtin tregues”, kur fëmija juaj luan qetësisht ndërsa jeni në telefon.
• dëgjimi aktiv – për shembull, duke dëgjuar me interes kur fëmija juaj ju thotë diçka me zë normal në vend që të bërtasë.

Ky lloj i vëmendjes funksionon më mirë nëse e bëni këtë shpesh, sesa herë pas here. Gjithashtu, fëmija krijon një përshtypje se çfarë sjellje të pëlqen dhe dëshiron të shohësh më shumë.

Ju gjithashtu mund të lavdëroni sjelljen e mirë kudo – në supermarket, kur jeni duke ngrënë, duke larë enët ose duke ecur për në shkollë dhe në autobus. Nuk ju duhet kohë shtesë nëse e bëni pjesë të ndërveprimeve të përditshme me fëmijën tënd.

Lavdërimi i sjelljes së mirë është veçanërisht i rëndësishëm për sjelljen që fëmija juaj e ka të vështirë për ta mësuar. Mund të lavdërosh përpjekjet, ashtu edhe sjelljen. Për shembull, fëmija mund ta ketë pasur shumë të vështirë të mbajë mend, se nuk duhet t'ju ndërpresë kur bisedoni në telefon. Mund të thuash diçka të tillë si, “Të lumtë, Lola. E di që është e vështirë për ty të presësh derisa të mbaroj telefonatën, prandaj e vlerësoj shumë që më le të mbaroj bisedën.”

Në përgjithësi, lavdëroje fëmijën gjashtë herë për çdo herë që e korrigjoni.

Fëmija juaj nuk do të sillet gjithmonë në mënyra që ju pëlqejnë. Pra, ideja është t’i kushtosh më shumë vëmendje sjelljes që doni, dhe më pak sjelljes që nuk doni. Mund të përdorësh shpërfilljen e planifikuar dhe pasojat për t’i treguar fëmijës se sjellja e tij/saj nuk është në rregull, pa i dhënë shumë vëmendje.

Vëmendja pozitive ndaj fëmijës: si ta bëni pjesë të jetës së përditshme

Sa më shumë t’i kushtoni fëmijës tuaj vëmendje pozitive, aq më e natyrshme bëhet – dhe aq më mirë është për marrëdhënien tuaj. Një marrëdhënie e mirë me ju është gjithashtu më e mirë për sjelljen e fëmijës.

Ja disa gjëra të përgjithshme që mund të bëni të cilat do të ndihmojnë gjithashtu në marrëdhënien tuaj dhe sjelljen e fëmijës suaj:

• Ndani kohë për t'u lidhur me fëmijën tuaj. Vini re gjërat që e magjepsin atë – petalet në një lule, milingonat nëpër trotuar, shishet e salcës në supermarket – në vend që ta nxitoni për në aktivitetin tjetër. Vini re librat që po zgjedh në bibliotekë, ose aftësitë që po zhvillon ndërsa luan në park. Ai/ajo do të ndihet i/e vlerësuar kur i kushtoni vëmendje gjërave që i interesojnë atij/asaj.
• Ndiq drejtimin e fëmijës tënd. Kur kalon kohë me fëmijën, është mirë ta lësh atë të zgjedhë lojëra ose aktivitete sa herë që është e mundur. Kjo dërgon mesazhin se interesat e fëmijës janë të rëndësishme, gjë që e ndihmon të ndihet i dashur dhe i jep siguri.
• Afrohu. Mund të ulesh në dysheme, të gjunjëzohesh në bar ose të rrish ulur pranë karriges së fëmijës. Përballu me fëmijën dhe lëviz në anën e tij/saj, në vend që të shikosh nga ana tjetër e dhomës. Shiko në sytë e tij/saj, hapi krahët dhe buzëqesh... buzëqesh... dhe vetëm buzëqesh.
• Komento se çfarë po bën fëmija juaj. Për shembull, mund të thuash: “Të pëlqen kamioni i kuq’ ose “Ky është një insekt interesant që po shikon”. Kjo i bën me dije fëmijës tuaj se ju jeni duke i kushtuar vëmendje dhe jeni të interesuar. Ju e ndërtoni besimin në marrëdhënien tuaj thjesht duke i kushtuar vëmendje.