Vannadan qoʻrqish
“Yangi tugʻilgan chaqaloqlar baʼzida choʻmilishni yoqtirmaydi. Biroz kattaroq bolalar choʻmilishdan qoʻrqishi mumkin. Shunday qilib, yangi tugʻilgan chaqaloqqa choʻmilishni zavqlanish va dam olish imkoniyati sifatida asta-sekin oʻrgatish juda muhim. Oʻynang, chaqaloqning badaniga suv quying, suvni koʻpiklantirganingizda bola suv va koʻpikning badaniga yengil tegishini his qilsin. Dam olish, bola bilan maroqli vaqt oʻtkazish va yoqimli his-tuygʻularni uygʻotish uchun turli oʻyinlarni taklif qiling. Doim ehtiyot boʻling va choʻmilish paytida chaqalogʻingiz oʻzini qanday tutishini va qanday oʻynayotganini diqqat bilan kuzatib boring.
Body
Сhoʻmilishdan qoʻrqish qanday paydo boʻladi?
- Yangi tugʻilgan chaqaloq nazoratni yoʻqotishdan qoʻrqishi mumkin.
- Biroz kattaroq bolalar suvning ovozidan, bosh va sochlarini yuvishdan, choʻmilib boʻlgach ularni quritishdan, shuningdek, sochiq bilan artinishdan qoʻrqishi mumkin.
Qanday qilib choʻmilishdan oldingi noqulaylik va qoʻrquvning oldini olish mumkin?
- Bolaning ishoralarini diqqat bilan kuzatib boring, agar bola oʻzini ishonchsiz his qilsa, unga bosim oʻtkazmang.
- Xavfsizlik hissini taʼminlang:
- kichikroq vannani tanlang va boshida koʻp suv quymang;
- suv haroratini moslang;
- chaqaloqning boshi va ensa qismidan ushlab turing, undan koʻzingizni uzmang;
- asta-sekinlik bilan bola tanasini suvga kiriting, chaqaloq issiqlikni sezishini va qabul qilishini kuting;
- tanani issiq ushlab turish uchun qorinni massaj qiling / yuving
- yuz va burunga suv quymang, ularni qoʻlingiz bilan yuvganingiz maʼqul;
- Kichkintoy bilan gaplashing, qoʻshiq kuylang, yengil harakatlar bilan uning tanasiga suv quying.
Agar bola vannadan katta boʻlib ketsa-chi?
- Asta-sekin kattaroq vannada mustaqil oʻtirishni yoʻlga qoʻying – suvni asta-sekin qoʻshib borish kerak.
- Vannani katta vannaga joylashtiring (dush xonasi), bola yangi oʻlchamlarga koʻnikishiga imkon bering.
- Bola bilan birga choʻmiling, oʻzini xavfsiz his qilishi uchun uni tizzangizga yoki oyoqlaringiz orasiga qoʻying.
- Sirpanib ketmaslik uchun vannaning pastki qismiga rezina stikerlar yopishtiring.
- Suvni toʻkishdan oldin bolani vannadan / hatto hammomdan tashqariga chiqarib oling, shunda u suv toʻkilgandagi shovqindan choʻchib ketmaydi.
- Agar bola koʻzga shampun kirib ketishidan qoʻrqsa, uning boshini yaxshilab yuving va koʻzlarini himoya qilib turing (narigi kaftingiz yoki plastmassa himoya vositasi bilan) yoki koʻzga zarar bermaydigan bolalar shampunidan foydalaning.
Choʻmilish maroqli oʻtishini taʼminlang, birga oʻynang!
Choʻmilishni chaqalogʻingiz va oʻzingiz uchun qiziqarli mashgʻulotga aylantirish orqali choʻmilishdan oldingi qoʻrquvni kamaytirishingiz yoki yoʻq qilishingiz mumkin:
- Suv oʻyinlari uchun maxsus oʻyinchoqlar oling (tabiiy akvarel boʻyoqlari, purkagich, suv quyish, shoʻngʻish uchun oʻyinchoqlar). Kichkintoyingizga yangi koʻpikli vanna yoki maxsus oʻyinchoq tanlashiga ruxsat bering.
- Aka-uka va opa-singillar bilan choʻmilish ayniqsa qiziqarli; birgalikda oʻynash va zavqlanish choʻmilishdan oldingi qoʻrquvni kamaytiradi.
- Choʻmilish birgalikda oʻtkaziladigan vaqt boʻlsin. Hikoyalar aytib bering, qoʻshiq kuylang...
- Choʻmilish bu – bola sevimli oʻyinchoqlarini yoki qoʻgʻirchoqlarini choʻmiltirishi uchun imkoniyat. Bu choʻmilishning maʼnosi va ahamiyatini tushunishga yordam beradi.
- Bola choʻmilgandan keyin teriga surtiladigan kremning hidi va silliqligini yoki sochiqning rangi yoki naqshini tanlashi mumkin.
- Kun davomida choʻmilish vaqtini oʻzgartiring. Farzandingiz qaysi paytda choʻmilishni koʻproq yaxshi koʻrishini bilib oling.
Chaqalogʻingiz / kichkintoyingiz choʻmilayotganda hech qachon hammomdan chiqmang. Bolalar suvda oson sirpanadi. Farzandingizni vannaga qoʻyishdan oldin hamma kerakli narsani olib kelganingizga ishonch hosil qiling.
Choʻmilish paytida bolaning barcha mustaqil harakatlarini maqtang va ragʻbatlantiring. Agar choʻmilish vaqti ijobiy his – tuygʻularga toʻla, foydali, quvnoq va bajarilgan boʻlsa, qoʻrquv kamayadi va oxir – oqibat yoʻqoladi.
