На што звярнуць увагу пры выбары дашкольнай установы

Калі ў вас ёсць магчымасць выбіраць, то будзе карысна параўнаць розныя дзіцячыя ўстановы, каб знайсці тую, якая лепш за ўсё падыходзіць вашаму дзіцяці і адпавядае вашым і яго патрэбам. Адпраўляйцеся на пошукі і даведайцеся як мага больш пра ўстановы, якія вас зацікавілі. Прапаноўваем скарыстацца простым кантрольным спісам, каб вам было лягчэй ацаніць, ці адпавядаюць умовы ў гэтым дзіцячым садзе ці цэнтры вашым чаканням у тым, што датычыцца догляду вашага дзіцяці і яго навучання.

Параўнанне дашкольных устаноў: кантрольны спіс

Пры параўнанні розных устаноў вам можа спатрэбіцца прыведзены ніжэй кантрольны спіс. Ён дапаможа выявіць перавагі таго ці іншага дзіцячага сада або цэнтра і вызначыць, у якім з іх будуць забяспечаны лепшыя ўмовы для догляду вашага дзіцяці і яго навучання. Кантрольны спіс пытанняў паслужыць добрай асновай для выбару прыдатнай установы.

Кошт і ўмовы аплаты

Колькі каштуе?
Ці трэба плаціць за прапушчаныя дні? Напрыклад, ці будуць з вас патрабаваць аплату за ўсе дні, калі вы з’ехалі ў адпачынак? У штомесячную аплату ўключаюцца толькі працоўныя ці ўсе каляндарныя дні?
Ці ёсць варыянты знаходжання дзіцяці поўны дзень ці палову дня? Колькі каштуюць розныя варыянты?
Якія ёсць ільготы для розных катэгорый сем’яў? Магчыма, калі паслугі платныя, у вас ёсць права на няпоўны кошт.

Гульні і навучанне

Што прапаноўвае ўстанова, каб ваша дзіця вучылася і развівалася? Ці ёсць наглядны план, які тлумачыць праграму навучання і развіцця?
Ці расказваюць супрацоўнікі пра тое, як прайшоў дзень вашага дзіцяці?
Ці даецца інфармацыя аб палітыцы ўстановы, узроўні падрыхтоўкі спецыялістаў, працэдурах захавання гігіены і забеспячэнні бяспекі і парадку?

Паслугі і абстаноўка

Ці створана ва ўстанове стымулюючае і бяспечнае асяроддзе?
Атмасфера нязмушаная і вясёлая?
Вам самім гэтая ўстанова бачыцца цікавай, у ёй прасторна, светла, шмат цацак, праводзіцца многа заняткаў?
Ці дастаткова месца для вашага дзіцяці, ці хапае цацак і інвентару для гульняў на вуліцы?

Распарадак дня

Ці прадугледжаны «ціхі час» або адпачынак на працягу дня?
Ці будзе дзіця праводзіць дастаткова часу на свежым паветры?
Ці будзе ў вашага дзіцяці магчымасць даследаваць і тварыць?
Ці адпавядаюць умовы адпачынку, наведвання прыбіральні, змены падгузнікаў індывідуальным патрэбам вашага дзіцяці?

Выхавацелі і іх адносіны з дзецьмі

Колькі выхавацеляў? Якая колькасць дзяцей прыпадае на аднаго супрацоўніка?
Як часта супрацоўнікі ўзаемадзейнічаюць з дзецьмі?
Выхавацелі заахвочваюць дзяцей, паважаюць іх, клапоцяцца пра іх?
Як педагогі рэгулююць паводзіны дзяцей?
Да кожнага дзіцяці ставяцца як да асобы?

Адносіны выхавацеляў з бацькамі

Вы адчуваеце, што супрацоўнікі не супраць абмяркоўваць з вамі любыя пытанні?
Ці прапануецца пробны перыяд адаптацыі для вас і дзіцяці?
Ці можаце вы ў любы час прыйсці і паназіраць за сваім дзіцем у гэтым асяроддзі?
Ці заахвочваецца ўдзел членаў сям’і ў розных мерапрыемствах, якія праводзяцца ва ўстанове?

Ежа і перакус

Харчаванне і перакусы прадугледжаны ці вам трэба даваць дзіцяці ежу з сабой?

Калі ежа і перакусы прадастаўляюцца:

Прапаноўваюцца здаровыя прадукты і напіткі?
Ці задавальняе харчаванне індывідуальныя патрэбы дзяцей?
Ці выконвае ўстанова нацыянальныя рэкамендацыі па харчаванні дзяцей? Вам могуць паказаць меню і ўнутраныя дакументы па харчаванні?

Агульная інфармацыя

Якія ўмовы па прыёме дзяцей, што не прайшлі вакцынацыю?
Што будзе, калі ваша дзіця захварэе?
Што будзе, калі вы спозніцеся да пачатку дня?
Хто, акрамя вас, можа забраць ваша дзіця?
Што дзіцяці трэба браць з сабой?
Як вы можаце дапамагчы свайму дзіцяці прывыкнуць да новага месца і новых умоў?
Ці прадугледжана чарга і папярэдні запіс? Ці можаце вы ўнесці сваё дзіця ў спіс чакання, калі гэта неабходна?