Препораки за физичка активност, време за седење пред екран и спиење за деца на тригодишна од возраст и постари 

Планираните дневни активности за детето треба да бидат прилагодени на неговата возраст, но исто така и на индивидуалните потреби. Покрај исхраната, мора да се размислува и за време наменето за игра и физичка активност, спиење и периоди кога детето седи, но се занимава со активности како што се: разговор со членови на семејството, слушање приказни, седење пред телевизор, компјутер или таблет, возење во автомобил, јадење.

Деца на возраст од три и повеќе години

• Во оваа возраст, детето исто така треба да помине најмалку 180 минути во текот на денот во различни видови физички активности, од кои најмалку 60 минути физичка активност. со умерен до енергичен интензитет
• Позицијата на релативен одмор не се препорачува да трае подолго од 1 час. Искористете го ова време за разговор, разгледување, читање, раскажување приказни. Еден час е исто така најдолго време пред екран за дете со задолжителен надзор над  содржина што се гледа.
• Потребното време на спиење се движи од 10 до 13 часа, вклучително и дневно и ноќно спиење, и периоди на ноќно  будење. Не треба да се  скрати  времето на спиење на детето, бидејќи тоа може да биде поврзано со следните нарушувања: нарушување на растењето, дебелина, нарушување на емоционалното регулирање, итн

Лесната физичка активност  вклучува активности со трошење на енергија од 1,5 до 4,0 пати повеќе од потрошената енергија за одмор на детето: капење, бавно одење или други лесни активности кои не резултираат со загревање на телото на детето.

Физичката активност со умерен до енергичен интензитет вклучува активности кои  трошат  4-7 пати повеќе  енергија од енергијата потрошена за одмор: брзо одење, возење велосипед, трчање и играње игри со топка, скокање, пливање, танцување итн, за време на кои детето  многу се загрева и се задишува.