Ish va shaxsiy hayot oʻrtasidagi muvozanat: oilangiz uchun maslahatlar

Ishingiz va hayotingizdagi boshqa muhim narsalar, ayniqsa, farzandlaringiz va oilangiz oʻrtasidagi muvozanat haqida oʻylash juda muhim. Ish va shaxsiy hayot oʻrtasidagi yaxshi muvozanat siz va farzandlaringiz uchun foydali.

Ish va shaxsiy hayot orasidagi muvozanat nima?

Ish va shaxsiy hayot orasidagi muvozanat bu – ishingiz va hayotingizdagi boshqa muhim narsalar, masalan, oilangiz, sport va jamiyatdagi hayotingiz, uy ishlari, koʻngilli boʻlish davridagi majburiyatlar va boshqalar orasidagi oʻzaro bogʻliqlik. Agar hayotingizda bularning barchasi uchun vaqt yetarli deb his qilsangiz, sizda ish va shaxsiy hayot orasidagi muvozanat yaxshi boʻlishi mumkin.

Ish va shaxsiy hayot orasidagi muvozanat uchun har tomonlama maʼqul keladigan formula yoʻq. U hamma odamda har xil, chunki har bir oilaviy vaziyat oʻziga xos va takrorlanmas. Bundan tashqari, muvozanat sizning ishingiz, oilangiz va boshqa majburiyatlaringiz oʻzgarishi bilan ham oʻzgarishi mumkin.

Real umidlar, shuningdek, sinovlar va xatolar orqali siz oʻzingizga va oilangizga uzoq muddatli kelajakda ish va shaxsiy hayot orasidagi muvozanatni oʻrnatishga yordam beradigan yondashuvni topishingiz mumkin.

Ish va shaxsiy hayot orasidagi muvozanat: bu nima uchun yaxshi?

Siz uchun foydali

Ish va shaxsiy hayot orasidagi muvozanatni topish quyidagi holatlarni his qilishingizni anglatadi:

kuchli ruhiy zarba va charchoqning kamligi;
vaqtingizni yaxshi nazorat qilish;
qarorlar qabul qilish va majburiyatlarni bajarish;
oʻzingizni yanada sogʻlom his qilish.

Muvozanatlashgan shaxsiy hayot ishda qattiq charchashning oldini olishga yordam beradi.

Bolalar uchun foydali

Bolalar rivojlanishi va oʻrganishi uchun iliq, mehrli munosabat, eʼtibor va vaqtni qiziqarli oʻtkazish talab qilinadi. Vaqtning qiziqarli oʻtishi farzandingiz bilan jismoniy va hissiy jihatdan birga boʻlishingizni anglatadi. Ish va shaxsiy hayot orasidagi muvozanat bolangiz uchun vaqt topishingizga yordam beradi.

Sizning munosabatlaringiz uchun foydali

Vaqtni birgalikda qiziqarli oʻtkazish barcha munosabatlarni oʻrnatish uchun poydevor hisoblanadi, shu bois yaxshi ish va shaxsiy hayot orasidagi muvozanat bolangiz va oilangiz bilan yaxshi munosabatlarni rivojlantirish uchun vaqt va kuch-quvvatni taʼminlaydi.

Ish va oilaviy hayot qanday qilib muvozanatdan chiqishi mumkin?

Ish bolangiz bilan vaqtni yetarlicha va samarali oʻtkazishga xalaqit berishi mumkin. Ish payti bolalaringiz bilan vaqt oʻtkazmasligingiz shubhasiz.

Uzoq davom etadigan ish kunlarida bolalaringiz uxlagandan keyin uyga kelishingiz yoki ular uygʻonishidan oldin ketishingiz mumkin. Ularni hafta davomida koʻrishingiz ehtimoli juda kam boʻladi. Agar uyga ish olib kelsangiz, bu ham farzandlaringizga qancha vaqt sarflashingizga taʼsir qilishi mumkin.

Bundan tashqari, ish farzandlaringiz bilan oʻtkazadigan vaqtingizga salbiy taʼsir koʻrsatishi mumkin. Oʻzingiz uyda boʻlsangiz-da, fikr-xayolingiz ishda boʻlishi mumkin. Siz kun davomida yuz bergan hodisa haqida oʻylayotgan yoki hali ham bor eʼtiboringizni biror muammoga qaratayotgan boʻlishingiz mumkin.

Nega bolalar uchun har kuni ishni xayolingizdan chiqarishingiz kerak?

Bolalar odatda kun oxirida, aynan vaqt ajratish qiyin boʻlgan paytda sizning eʼtiboringizga koʻproq muhtoj boʻladi. Ular sizga kunning barcha yangiliklarini aytib berishni xohlashi yoki biror narsada yordam berishingizni soʻrashi mumkin.

Bolalar ham bogʻchada yoki maktabda yomon kunlarni boshdan kechirishi mumkin. Ular hamdardligingizga yoki maslahatingizga muhtoj boʻlishi yoki sizga nimanidir gapirayotganda ularni tinglashingizni xohlashi mumkin. Uyga qaytish paytigacha bolalar koʻpincha charchagan, asabiylashgan yoki ochqagan boʻlishadi. Ular shunchaki quchoqlashingizni xohlashi mumkin.

Kechki ovqatni tayyorlayotganingizda va ertangi kunga tayyorgarlik koʻrayotganingizda, bu oson kechmasligi mumkin. Ammo farzandingizni eshitish va u bilan muloqot qilishga vaqt ajratish kerak. Bu bolalarga boshqalar ularni sevishini, xavfsiz holatda ekanliklarini his qilishga yordam beradi, natijada barchangiz oʻzingizni yaxshiroq his qilasiz.

Band boʻlsangiz yoki kuchli ruhiy zarbani boshdan kechirayotgan boʻlsangiz, bolangizga eʼtibor qaratishni yana bir vazifa yoki masʼuliyat deb oʻylashingiz mumkin. Buning oʻrniga, farzandli boʻlib uyga qaytib kelganda dunyoni u bilan baham koʻrish qanchalik ajoyib ekani haqida oʻylash kerak.

Ish va shaxsiy hayot orasidagi muvozanatni yaxshilash uchun yangi ish sharoitlari

Agar siz ishlaydigan ota yoki ona boʻlsangiz, oilangiz uchun qulay ish sharoitlari toʻgʻrisida oʻylab koʻrishingiz kerak. Ish beruvchingizning oilalilarga qanday qoidalari borligini aniqlang. Mehnat shartnomasini oʻqing, ish joyidagi hamkasblar bilan suhbatlashing. Keyin bular togʻrisida boshligʻingiz bilan gaplashib oling.

Quyidagi imkoniyatlar zarur boʻlishi mumkin:

moslashuvchan ish jadvali – masalan, kech kelishingiz va kechgacha ishlashingiz (yoki aksincha, vaqtli kelib, vaqtliroq ketishingiz) mumkin, bu esa bolalarni maktabga olib borish yoki oilaviy boʻlib ovqatlanish imkonini beradi;
uydan ishlash;
ish soatini kamaytirish – masalan, toʻliq boʻlmagan ish kunida ishlash yoki ishdagi vazifalarni boʻlib ishlash;

Doʻstlaringiz qanday munosabatda boʻlishi yoki boshqa odamlar nima deb oʻylashi muhim emas, asosiysi, oilangiz uchun eng yaxshi, mos keladigan yoʻlni tanlash.

Ish jadvalini oʻzgartirish

Farzandli boʻlganingizda barcha narsalar mos kelishi uchun ish jadvalingizni qayta koʻrib chiqish foyda berishi mumkin. Quyida bir nechta tavsiyalar keltirilgan:

Ishdan qaytishingizdan oldin ish kuningizni xayolan tasavvur qiling. Bu sizga eʼtiboringizni asta-sekin uy va oilaga qaratishga yordam berishi mumkin.
Agar oilangiz va ishingiz sharoitlariga toʻgʻri kelsa, ishni uyga olib kelmaslik uchun uzoqroq ishlash toʻgʻrisida oʻylab koʻring. Lekin buni tez-tez takrorlanadigan holatga aylantirib olish yaxshi emas.
Ishingizni puxta tashkillashtiring, eng qiyin ishlarni oxirida emas, kunning boshida bajarishga harakat qiling.
Farzandingizni eslash uchun ish kuningizdan bir daqiqa vaqt ajrating. Bu fotosuratga qarash yoki yaqinda sizlar birgalikda bajargan biror narsa haqida oʻylash boʻlishi mumkin. Bu nima sababdan ish va shaxsiy hayot oʻrtasida muvozanat oʻrnatishga urinayotganingizni eslashga yordam beradi.
Uyda qancha ish qilishingizni chegaralashga, jumladan, elektron pochtani tekshirish yoki telefon qoʻngʻiroqlariga javob berish uchun baʼzi chegaralarni belgilashga harakat qiling.

Har kuni ishdan uy tartibiga oʻting

Uyga qaytayotganda xayolan “ishni dam olish paytiga qoldirish”ga erishsangiz, farzandlaringiz bilan muloqotga koʻproq tayyor ekaningizni his qilishingiz mumkin. Uyga ketayotganingizda quyidagi tavsiyalardan baʼzilarini sinab koʻring:

Ish telefoningizni oʻchiring va musiqa tinglang, radio eshiting, mutolaa qiling yoki badantarbiya mashqini bajaring, iloji boʻlsa, uyga piyoda yoki velosiped minib boring.
Yoʻlda vaqtni qanday qilib osoyishta oʻtkazish mumkinligi haqida oʻylang. Misol uchun, avtomobillar qatoriga qoʻshiling, jamoat transportidan foydalaning yoki vaziyatga qarab piyoda yuring.
Ishdan uyga qaytayotganingizda oʻz xayollaringizni farzandingizga qarating.
Ishxonadan ketishdan oldin yoki mashinangizda diqqatni oshirishga qaratilgan oddiy mashqlarni bajaring.

Quyidagi tavsiyalar sizga kechki vaqtga osonroq tayyor boʻlishga yordam beradi:

Jismoniy, aqliy va hissiy jihatdan ishdan uyga, ishchidan ota yoki onaga oʻtish uchun tartib shakllantiring. Bu oddiy amal, masalan, ish kiyimingizni oʻzgartirish boʻlishi ham mumkin.
Oilangiz bilan, jumladan, katta yoshdagi bolalar bilan ishchidan ota-onaga aylanish jarayonining qiyinchiliklari haqida, ayniqsa, ishdagi stressli paytlarda gaplashing. Ular narsalarni sizning nuqtayi nazaringizdan koʻrishiga yordam bering, oʻzingiz esa ularning nuqtayi nazaridan qarashga harakat qiling. Natijada shaxsiy va oilaviy hayotga ajratiladigan vaqtga nisbatan oqilona kutilmalar hosil boʻlsin.

Agar siz uydan ishlasangiz, ish joyingiz oilaviy joydan alohida boʻlishiga harakat qiling. Ishni boshlash va tugatish chegaralarini qoʻying va hamkasblaringizga hamda mijozlaringizga siz ish joyingizda boʻlmaydigan vaqtlar toʻgʻrisida aniq maʼlumot bering.
Turmush oʻrtogʻingizdan yoki bolangizni parvarish qiladigan har qanday kishidan bolangiz kunni qanday oʻkazgani yoki uning kayfiyatiga taʼsir qilishi mumkin boʻlgan har qanday narsa haqida sizga maʼlumot berishini soʻrang. Bu bolangizga kerakli eʼtiborni berishga tayyor boʻlishingizga yordam beradi.

Alohida holatlardagi ota-onalar – masalan, yolgʻiz ota-onalar yoki nogironligi boʻlgan bolalarning ota-onalari – ishdan uyga oʻtishni yanada qiyinlashtiradigan muammolarga duch kelishlari mumkin.