Цэльназерневы бананава-ёгуртавы хлеб

Выхад: адзін бохан хлеба.

Час падрыхтоўкі: 15 хвілін.

Час прыгатавання: 50–60 хвілін.

Для прыгатавання вам спатрэбіцца:

⅓ шклянкі алею;

¼ шклянкі мёду (не выкарыстоўвайце мёд, калі гатуеце для дзяцей, малодшых за 12 месяцаў);

2 яйкі;

3 бананы сярэдняй спеласці;

200 г натуральнага ёгурту;

½ чайнай лыжкі ванільнага экстракту;

250 г цэльназерневай мукі, якая сама падымаецца (можна прыгатаваць такую муку самастойна шляхам дадання 1¼ чайнай лыжкі разрыхляльніка або харчовай соды і ¼ або ½ лыжкі солі ў 1 кубак звычайнай мукі (136 г));

1 чайная лыжка сумесі спецый на ваш смак.

Прыгатаванне

1. Разагрэйце духоўку да 180 °C. Змажце алеем і засцяліце пергаментам форму для хлеба памерам 11x21 см.

2. З дапамогай міксера змяшайце алей і мёд да аднароднасці. Па адным дадайце яйкі, кожны раз добра ўзбіваючы масу.

3. У асобнай місцы разамніце бананы і дадайце ёгурт. Уліце яечную сумесь. Умяшайце муку і сумесь спецый.

4. Лыжкай выкладзіце атрыманую масу ў падрыхтаваную форму, запякайце на працягу 50–60 хвілін або пакуль цеста не перастане прыліпаць да зубачысткі.

5. Дастаньце з духоўкі. Праз 5 хвілін пакладзіце хлеб на рашотку.

Парады

• Каб узбагаціць хлеб карыснымі тлушчамі, дадайце ў цеста жменю здробненых арэхаў ці насення.

• Бананавы хлеб спадабаецца дзецям яшчэ больш, калі яго лустачкі падсмажыць у тостары і намазаць чымсьці смачным.

• Заахвочвайце ўдзел дзіцяці ў прыгатаванні. Дапамагаць могуць нават малыя дзеці, напрыклад, яны могуць дадаць ёгурт. Гатаваць з дзецьмі весела і карысна для развіцця шматлікіх навыкаў.

Дзецям да 12 месяцаў не трэба есці мёд. Даведацца больш аб прадуктах, якія не варта даваць дзецям да пэўнага ўзросту, можна з нашага артыкула аб увядзенні цвёрдай ежы.